Ӟеч Перепеч

"Ӟеч Перепеч" шудон» бамысь кудланьтэмын)

«Ӟеч Перепеч» — удмурт ӝӧквыл шудонъёсты лэсьтӥсь «Chukinder» огазеяськонлэн кыкетӥ кылдытэм шудонэз. Сое огазеяськон инвожое 2019-тӥ арын поттӥз но 12-тӥ инвожое Ижкарысь Герберын презентацизэ ортчытӥз. Та дыре «Ӟеч Перепечен» пӧртэм кунъёсын шудо, соос пӧлын Россия, Венгрия, Эстония, Финляндия. 2019-тӥ арын 120 «Ӟеч Перепеч» шудон Татарстанысь удмурт нылпиослы, «Мудорвай» вожвылъяськонын финалэ потэмъёслы, кузьымлы кошкиз. Та «Chukinder» огазеяськонлэн нырысетӥ бадӟым заказэз.

Пуштросэз Тупатыны

«Ӟеч Перепеч» шудонын 144 карта но 18 герой. Шудонэн 2-8 мурт шудыны быгатэ, но тужгес но умой 4-6 муртлы шудыны. Шудонлэн дырыз 20-30 минут.

Шудонлэн радлыкез Тупатыны

  1. Шудонъёсты сурано, котькуд шудӥсьлы быдэс 7 карта сётоно.
  2. Перепечез Валтэс бордысен пӧраны кутсконо. Нырысь ик сое картаосты люкисьлэсь юало, солэн ӧвӧл ке, мукетъёсыз асьсэлэсь учко. Перепеч валтэсэз нокинлэн ӧвӧл ке, котькуд шудӥсь быдэн одӥг карта басьтэ. Озьы Перепеч валтэс сюрытозь.
  3. Перепеч валтэс вылэ пушкес пононо. Пушкеслэн дурысьтыз буёлэз валтэслэн кадь луыны кулэ. Огполаз потакуз, шудӥсь кык картаен но потыны быгатэ, но картаос одӥг кадь луыны кулэ, котыретсы пӧртэм буёло ке но.
  4. Шудӥсь муртлы номырин потаны луэ ке, со аслыз одӥг выль карта кутэ. Тупасез сюре ке, соин потыны быгатэ.
  5. Перепеч бадӟым ни ке, сое Гуре пуктыны луэ. Гуре пуктэм мурт сое аслыз басьтэ.
  6. Шудон выль Валтэс бордысен азьланьтӥське. Котькуд шудӥсьлэн азяз Перепечез вань ни ке, картаос но быризы ни ке, шудон йылпумъяське. Ворме со адями, кинлэн Перепечаз тужгес но трос картаосыз.
  7. Шудонын Кутъёс вань на. Соос дась Перепечез сиыны быгато. Котькуд шудӥсь кутсэ мукет шудӥсьлы, кудӥзлэн Перепечез вань ни, куштыны быгато. Котькуд ветлэмаз шудӥсь мурт, кудӥз доры кут вуиз, Перепечысьтыз сомында картазэ куштэ, кӧня кут со доры вуиз.

Шудон бырем бере, котькудӥз мурт огвакытэ Перепечысьтыз картаоссэ лыдъя. Кие кылем картаос уг лыдъясько. Кутъёс но огъя чотэ уг пыро. «Ӟеч Перепечез» пыжем мурт вормисе потэ. Мукетаз шудонын со картаосты сура но нырысетӥ пота.

Кык мурт гинэ шудэ ке, котькудӥзлы кык Перепеч люканы луэ. Шудон пумын кык Перепечлэсь но пушкессэ огазе лыдъяны луэ. Шудӥсь мурт куинь Перепеч пыжиз ке, нырысетӥ пыжем Перепечсэ со бускелезлы сётыны кулэ.

Геройёс Тупатыны

  • Перепеч валтэс — та карта бордысен Перепечез пыжыны кутсконо;
  • Веттэт — та картаен потам бере, шудон шундылы пумит мынэ (кык кузя шудыку, та картаез поттӥсь мурт кык пол пота);
  • Сӥль — та картаен потась мурт аслыз одӥг карта кутэ;
  • Макес — та картаен потась мурт аслыз кык карта кутэ;
  • Губиос — шудонлэсь буёлзэ воштыны быгато, ачид бырйиськод, кыӵе буёло картаен поталод;
  • Сугон — мукетыз шудӥсь мурт черодзэ синкылияськыса кельтэ. Шудӥсь мурт черодзэ кельтэ ке, Кут но Перепечезлэсь пушкессэ уг ни сиы;
  • Кут — та картаез кинлэн ке дась Перепечез доры гинэ поныны луэ. Кин доры Кут вуэ, со котькуд потамез азьын Перепечысьтыз огзэ картазэ куштэ. Озьы Кут Перепечез сиыны кутске. Одӥг Перепеч вылэ котькӧня кутэз поныны луэ. Кылсярысь, 2 кут ке, ветлэмедлы быдэ 2 карта куштӥське. Перепечез сиыса быдтэмез бере, Кут шудонысь потэ.
  • Ӵушкон — таин дась Перепечез ворсаны луэ. Ӵушкон сьӧраз огзэ Кутэз нуэ. Котькуд Кутлы — выль Ӵушкон.
  • Пӧсьтурын — та картаез Кут уг яраты. Солы Пӧсьтурын сюре ке, со шудонысь лобӟыса потэ.
  • Вир, Барангы, Кубиста, Йӧл, Чукиндэр, Турын-куар но Курегпуз картаослэн нокыӵе аспӧртэмлыксы ӧвӧл, соосын огшоры катъёсъя шудоно.

Ыстонпусъёс Тупатыны

Чӧлсконъёс Тупатыны