Алабго утем

Алабго утем — Ватка наместничествоысь (1780-ысен 1796-тӥ арозь) но Ватка губерниысь (1796-тӥ арысен) утем. Солэн бускельёсыз Сарапул но Малмыж утемъёс, Кузон но Уфа губерниос вал. Утем карез — Алабго.

Алабго утем
Елабужский уезд

Герб
Шаер	Росси империя
Статусэз	утем
Кытчы пыре вал	Ватка губерния
Административной центрез	Алабго
Кылдытон дыр	1780 ар
Быдтон дыр	1921 ар
Улӥсьёс (1897)	241 005
Быдӟалаез	7728 км²

XIX даурлэн пумаз утемлэн быдӟалаез 7 420 пала квадрат иськем вал (7 728 км²).

Историез

Алабго утем 1780-тӥ арын кылдытэмын. 1797-тӥ арысен 1817-тӥ арозь солэн составаз Малмыж утемлэн музъемъёсыз пыро вал.

1921-тӥ арын национальной автономиосыз кылдытэмен утем быдтэмын. Солэн территориез Удмуртия но Татария куспын люкемын вал. Удмурт автономной областе Алабго утемлэн уйпал люкетэз пыриз (14 волость), нош Бигер АССР пушкы — лымшор люкетэз (Алабго карен ӵош).

Демографиез

1892-тӥ арын утемын улӥз 210 168 адями. Со лыдын ӟучъёс — 51,5 %, удмуртъёс — 25,5 %, бигеръёс — 13,8 %, поръёс — 3,1 %, башкиръёс — 2,9 %.