Андерсен, Ханс Кристиан
Ханс Кри́стиан А́ндерсен (ӟуч кылын озьы ик Ганс Христиан шуыса тодмо луэ; 2 оштолэзь 1805 ар, Оденсе, Дани-норвеги уния — 4 гудырикошкон 1875 ар, Копенгаген, Дания) — нылпи писатель, быдэс дуннелы тодмо нылпиослы но бадӟымъёслы гожтэм выжыкылъёслэн авторзы: «Шӧтэм ӵӧжпи», «Корольлэн выль дӥськутэз», «Дюймовочка», «Уӵы», «Кӧжы вылын принцесса», «Оле Лукойе», «Лымы королева», «Русалочка» но мукет.
| Ханс Кристиан Андерсен | |
| дани Hans Christian Andersen | |
 1869-тӥ арын коньывуон толэзе лэсьтэм фотопортретэз | |
| Вордскыкуз сётэм нимыз: |
дани Hans Christian Andersen |
|---|---|
| Вордскем дырыз: | |
| Вордскем интыез: | |
| Кулэм дырыз: |
4-тӥ гудырикошконэ 1875 (70 арес) |
| Кулэм интыез: | |
| Кунмуртлыкез (подданство): |
|
| Ужан ӧнерез: |
нылпи писатель |
| Жанр: | |
| Гожъяськон кылыз: | |
| Данъянъёсыз: |
|
| Кинюртэмез: |
|
| Произведениос сайтын Lib.ru | |
 Произведениос Викитекаын | |
.svg){kind=small}
Андерсенлэн 3342 гожтосэз[1], солэн ужъёсыз ог 125 кылэ берыктэмын[2] но ӟеч сям пыӵатӥсь урокъёслы пӧрмемын[3].
Улон сюресэз
ТупатыныХанс Кристиан Андерсен вордӥськиз 2 оштолэзе 1805 арын Фюн шормуӵысь Оденсе карын. Атаез куанер сапег вурись вал, анаез — дӥськут мискись луыса ужаз. 14 тырмыса, Ханс Копенгагенэ кошкыны малпа; анаез, пиез ӝоген берытскоз шуыса оскиз ке но, малы атай юртысь кошкиськод шуыса юамезлы, Ханс кема малпаськытэк, соку ик вазиз: «Тодмо луон понна!»
Егит дыръяз Ханс чебереныз ӧз висъяськылы: ӝужыт мугоро, чиед кио-пыдо но кузь ныро вал. Озьы ке но, сое жаляса, вылтусыз шоры учкытэк, Королевской театре кутӥллям. Отын со пичияк рольёсты шудылӥз. Пияшлэсь быгатонлыкъёссэ адӟыса, жалясь калык Данилэн королезлы Фредерик VI-лы Андерсенэз школае кутон сярысь куронэн вазиськиз, озьы со Слагельсе карысь школае шедиз, собере мукетаз Эльсинор карысь школае выжтэмын вал. Кыказ но дун тырытэк, казна чотын дышетскиз. Отын дышетскисьёс Ханслэсь куать ареслы пичиесьгес вал, соин сэрен ӵемысь сое серем карылӥзы. Нош школалэн ректорез котьку шораз тэргаса но курласа вазьылӥз. Дышетскем аръёсыз сярысь берло Ханс тужгес секыт но шимес вакытъёс шуыса тодаз вайылӥз. 1827 арын Андерсен дышетсконзэ йылпумъя, нош янгыштэк шонер гожъяськонлы озьы ик уг дышы.
Андерсен ноку ӧз кышнояськылы, пиналъёсыз но ӧй вал[4]. Неврастениен курадӟыса улӥз[5].
1840 арын Копенгагенын со Енни Линд нимо оперной кырӟасен тодматске. Берло аслаз дневниказ «Мон яратӥсько» шуыса гожтэ.
1872 арын, 67 аресказ вуыса, Андерсен усьыса, йӧнатыны луонтэм зол шуккиське. Берлогес мусысьтыз лек пыктоссэ синйылто, нош куинь ар курадӟыса, 1875 арын кулэ. Ханс Андерсен Копенгагенысь Ассистенс шайвылын ватэмын.
Валэктонъёс
Тупатыны- ↑ [https://andersen.sdu.dk/centret/ H.C. ANDERSEN CENTRET The Hans Christian Andersen Centre]
- ↑ Unknown Hans Christian Andersen fairy tale discovered
- ↑ Wullschläger. Hans Christian Andersen: The Life of a Storyteller
- ↑ Ганс-Христиан Андерсен: бесконечное одиночество великого сказочника | | 1K(ӟуч) Эскеремын 2019-02-08 аре
- ↑ Светлана КУЗИНА | Сайт «Комсомольской правды» Что ни гений, то псих(ӟуч) KP.RU - сайт «Комсомольской правды». Эскеремын 2019-12-15 аре