Анкудинова, Розита Андриановна
Розита Андриановна Анкудинова — дирижёр, УАССР-ысь искусство удысысь дано ужась (1960), Россия Федерациысь культура удысысь дано ужась (1997), Удмуртиысь комсомоллэн премиезлэн лауреатэз (1984) - вордӥськиз Ижын 25-тӥ апреле 1926-тӥ арын, кулӥз отын ик 2-тӥ августэ 2012 аре.
| Розита Андриановна Анкудинова | |
|---|---|
| Ужан удысэз: | Ошибка Lua в Модуль:Wikidata/item на строке 87: attempt to call field 'wrapSnak' (a nil value). |
| Вордӥськем нуналыз: | 25-тӥ оштолэзе 1926 |
| Вордӥськем интыез: | Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value). |
| Кун: | Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value). |
| Кулон нуналыз: | 2-тӥ гудырикошконэ 2012 (86 арес) |
Выжыезъя ӟуч. 1952-тӥ арын йылпумъяз Казаньысь крезьгуръя консерваториез. 1953-тӥ-1956-тӥ аръёсы чеберлыкъя кивалтӥсь но дирижёр луыса ужаз УАССР-ысь кырӟанъя но эктонъя кун ансамбльын. 1956-тӥ-1974-тӥ аръёсы кивалтӥз Удмурт радиоысь хорен.
1958-тӥ арын кошкиз Удмурт драмтеатре. Отын хормейстер луыса тыршиз. Сцена вылын пуктӥзы И. Гавриловлэн пьесаезъя дасям Аннок драмаез (1958), М. Петровлэн пьесаезъя Вуж Мултан спектаклез (1959), Г. Корепанов-Камскийлэсь «Любушка» опереттазэ (1959), Г. Корепановлэсь «Наталь» операзэ (1961).
1974-тӥ арын Анкудинова выжиз Удмурт кун университетэ. Отысь общественной профессиосъя факультетлэн деканэз луиз. Со вакытэ ик кылдытӥз «Чипчирган» фольклор ансамбльзэ (1975). Ӧжыт улыса, вордӥськиз эктонъя «Надежда» ансамблез (1976). Та сяна, Розита Андриановна усьтӥз удмурт драмая студиез (1977).
Но удмурт учкисьлэн сюлэмаз юнгес кылиз «Чипчирган». Анкудинова та ансамбльлэн чеберлыкъя кивалтӥсез дыръя кырӟаны-эктыны быгатэмзэс трос пол возьматъяллязы кунсьӧрысь калыкъёслы.