Ашальчи Оки
Акилина Григорьевна Векшина (литература удысын уже кутоно кушем нимыз Ашальчи́ Оки́) — тодмо удмурт кылбурчи, гожъяськись но эмъясь. Ашальчи — сяськалэсь нимзэ псевдоним.
| Ашальчи Оки | |
|---|---|
| Кунмуртлыкез | Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value). |
| Вордӥськон дыръя нымыз | ӟуч Акилина Григорьевна Векшина |
| Псевдоним | Ашальчи Оки |
| Вордскем дырыз | 4‑тӥ (16-тӥ) оштолэзе 1898 |
| Вордскем интыез | Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value). |
| Кулэм дырыз | 31-тӥ коньывуонэ 1973[1] (75 лет) |
| Кулэм интыез | Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value). |
| Брат/сестра | Айво Иви |
| Язык письменных произведений | Удмурт кыл |
| Ӧнерез | Ошибка Lua в Модуль:Wikidata/item на строке 87: attempt to call field 'wrapSnak' (a nil value). |
| Полученные награды | Ошибка Lua в Модуль:Wikidata/Medals на строке 197: attempt to call field 'extractCategory' (a nil value). |
Улон сюресэз Тупатыны
Вордскемын 1898-тӥ аре 16-тӥ оштолэзе туала Грах ёрослэн музъем вылаз Ускы (ӟуч нимыз Кузебаево) гуртын. Айво Ивилэн сузэрез.
Нырысь-валысь дышетскиз гуртысьтызы 2 классъем школаын. Собере выжиз Марий АССР-ысь Карлыган черкогуртэ. Тае йылпумъямез бере дышетӥсь луиз (Окилы соку 16 арес гинэ вал). 1919-тӥ арын дышетсконзэ азьланьтӥз Казаньысь рабфакын. Бырйиз эмъясьлэсь удыссэ. 1928-тӥ арозь тыршиз син эмъясь луыса. Уно калыкез утиз синтэм кылёнлэсь. Трахома висёнэн ӟеч-ӟеч нюръяськемез понна басьтӥз Удмурт АССР-ысь дано врачлэсь нимзэ. Быдӟым война дыръя Оки хирург кариськиз. Ож йылпумъяськем бере ужаз Алнаш черкогуртысь больницаын. Акилина Векшина — УАССР-ысь дано эмъясь.
1933 но 1937 аръёсы сое политикаен герӟаськем мугъёсын янгыше уськытыны тыршиллям но кӧня ке дыр ӵоже пытсэт сьӧрын но возиллям, но янгыше уськытэмзы вал юнме шорысь. Озьы ке но, Ашальчи литература удысын ужамысь дугдоно луиз.
Кулӥз 1973 аре 31 коньывуонэ Алнашын. Алнаш черкогуртын усьтэмын быдӟым кылбурчилы сӥзем музей.
Творчествоез Тупатыны
Ашальчи Оки — удмурт калыклэн яратоно кылбурчиез. Кылбуръёсыз пӧлысь куд-огез пӧрмытэмын кырӟанлы, соосты али но яратыса кырӟало. Печатласькыны 1918 арысен кутскиз «Гудыри» но «Виль синь» газетъёсын. 1928 аре солэн кык книгаез потэ: «Сюрес дурын» удмурт кылын но «О чём поёт вотячка» ӟуч кылын (та книгалы кылбуръёссэ берыктӥз но дасяз Кузебай Герд), «Мар тодӥз тракома сярысь Карпа агай» (1930) но «Мон тодам вайисько» (1968). Со сяна, Ашальчи кӧня ке туж устоесь очеркъёс но гожтӥз. Ашальчи Оки нылпиослы сӥзьыса но кылбуръёс, очеркъёс, веросъёс пӧрмытъяз. Но калыклы усьтӥськиз кылбуръёсыныз — лирической героез мур пуштросъем, малпаськонэ выйытӥсь.
Лина Григорьевна улонысь кошкем бере эшшо куать бичет печатласькемын вал.
Ӵем дыръя лирической героез — выль улонэ кыстӥськись возьдаськись сямо нылмурт. Со шӧдӥське, кылсярысь, «Возьдаськон», «Мон тодам вайисько», «Мон визьтэм вал азьло» но мукет кылбуръёсаз. Ашальчи Оки А. С. Пушкинлэсь «Если жизнь тебя обманет» кылбурзэ удмуртэ берыктӥз.
Эшъяськиз тодмо удмурт тодосчиен, кылбурчиен но югдытӥсен Кузебай Гердэн.
Акилина Григорьевналэн ужъёсыз пӧртэм кунсьӧр кылъёсы берыктэмын. Франциысь кылысь кылэ берыктӥсь Жан-Люк Моро гожтэ: «Ашальчи Окилэн кылбуръёсыз туж ненегесь, кышномурт кадесь». Ашальчи Окилэн француз кылэ берыктэм кылбуръёсыз кырӟанъёслы пӧрмизы ни.
Озьы ик учкы Тупатыны
- Айво Иви — удмурт гожъяськись но кылбурчи, Ашальчи Окилэн агаез
Валэктонъёс Тупатыны
- ↑ Bibliothèque nationale de France Ašalʹči Oki // Autorités BnF (фр.): Усьтэм даннойёслэн платформазы — 2011.