Балезино ёрос Удмуртилэн уй палаз интыяськемын. Центрез — кар типъем гурт Балезино. Мукет улон интыос пӧлысь тужгес тодмо луо Каменное Заделье, Кестым, Пибаньшур, Юнда, Люк, Пыбъя. Бускель ёросъёсыз: Глаз, Кез, Красногорье но Эгра ёросъёс.

Балезино ёрос
Файл:Coat of Arms of Balezino rayon (Udmurtia).png
Герб Флаг
Балезино ёрос Удмуртилэн карта вылаз
Центр Балезино
Улӥсьёс
 - ваньмыз 40 700
 - плотность 15,7 адями/км²
Территория
 - ваньмыз 2586,8 км²


Ёрослэн музъем вылтӥз бызё Чупчи, Пызеп, Кампызеп, Кеп, Люк, Юнда шуръёс.

Ёрос кылдӥз 15-тӥ июле 1929-тӥ арын. Соку отчы 18 сельсовет, 189 населённой пункт пыриз. Огъя площадез - 2587 кв. км. Улӥсез - 41,1 сюрс. Та пӧлысь 57,6%-эз - удмуртъёс, 28,2%-эз - ӟучъёс, 12,1%-эз - бигеръёс, 2,1%-эз - мукет калыкъёс.

Инкуазь Тупатыны

Балезино ёрос интыяськемын Верхнекамской возвышенностьын. Республикамылэн тужгес вылӥ интыез - ёросысь Новосёлы гуртын: зарезьлэсь 323 метрлы вылӥын. Та палъёстӥ бызё Чупчи, Кеп, Юнда, Пызеп, Люк шуръёс. Ёрослэсь 30 %-сэ шобырто нюлэс кушъёс.

Экономика Тупатыны

Ёросын 8 промышленной предприятие: литейно-механической завод, 2 нюлэс участок, 1 леспромхоз, етӥн сэстон завод, спирт завод, лэсьтӥськон удыслы чаклам материалъёс дасянъя завод.

Гурт удысын тужгес бадӟым саклык висъяло йӧл, сӥль поттонлы. Ёросын вань 3 банк.

1895-тӥ арын ёросэтӥ кыскизы Вятка-Пермь чугун сюрес. Ёрослэн лымшор палтӥз ортче Ижевск-Глазов асфальт сюрес.

Дышетон, тазалыкез утён, культура Тупатыны

Ёросын вань 35 школа, 48 номеро ПТУ, искусствоосъя школа но солэн 2 филиалъёсыз, ДЮСШ, нылпи юрт, пиналъёсты школалэсь азьвыл дышетонъя 36 учреждение, 43 культурая юрт, музей, 54 культурая памятник, 26 библиотека но мукет. Ёрос газетсы - «Вперёд!» (1931).

Чӧлсконъёс Тупатыны