Белицер, Вера Николаевна
Ве́ра Никола́евна Бе́лицер — ӟуч этнограф, Волга-Урал котырысь калыкъёслэсь материальной культуразэс (уката ик дӥськутсэс) эскерись.
| Вера Николаевна Белицер | |
 | |
| Ужан удысэз: | |
|---|---|
| Вордӥськем нуналыз: |
5-тӥ оштолэзе 1903 или 23-тӥ южтолэзе (5-тӥ оштолэзе) 1903[1] |
| Вордӥськем интыез: | |
| Кун: | |
| Кулон нуналыз: | |
| Кулон интыез: | |
Вордскиз Рязаньын 1903 аре 5 апреле (вуж стилья 23 мартэ). Дышетскиз Мускоысь кун университетысь общественной наукаосъя факультетлэн этнологи-кылтодон люкетаз. Дышетскемзэ йылпумъям бераз, Калыктодонъя музейын (берлогес — СССР-ысь калыкъёслэн музейзы) ужаз (1925-1941). Музейын ужан дыръяз ик Белицер трос пол вуылӥз Волга-Урал котырысь калыкъёс доры этнографической экспедициосы. 1943 арысен Белицер — СССР-ысь Наукаосъя академилэн этнографияя институтаз: нырысь аспирант, собере старшей научной ужась (1945-1968) но старшей научной консультант (1968-1978) луыса.
Аспирантураын дышетскем дыръяз Белицер дасяз но азинлыко утиз кандидат луон диссертацизэ («Народная одежда удмуртов. Материалы к этногенезу»). Нош доктор луон диссертациеныз (1959) луиз 1958 аре печатлам «Очерки по этнографии народов коми. XIX – начало XX в.» нимо монографиез. Комиослы (зырянъёслы, пермякъёслы, зюздякъёслы, язваослы, имжаослы) но удмуртъёслы сяна, Белицерлэн вань бесерманъёслы но сӥзем ужез («К вопросу о происхождении бесермян (по материалам одежды)»). Уно аръёс ӵоже Белицер кивалтӥз Мордва этнографической экспедициен.
Тужгес тодмо ужъёсыз
Тупатыны- К вопросу о происхождении бесермян (по материалам одежды) // Труды Института этнографии. М., 1947. Т.1 (новая серия)
- Народная одежда удмуртов (Материалы к этногенезу). М., 1951
- Очерки по этнографии народа Коми (XIX - нач. XX в.). М., 1958
- Удмурты // Народы европейской части СССР. Серия Народы мира. М., 1964. Т.2
- Народная одежда мордвы. М., 1973.
Чӧлсконъёс
Тупатыны- ↑ 1,0 1,1 Исаев Ю. Н. Чувашская энциклопедия — Чувашское книжное издательство, 2006. — 2567 с. — ISBN 978-5-7670-1471-2