Веретенников, Евгений Андреевич

Евге́ний Андре́евич Верете́нников (в. 24-тӥ гудырикошконэ 1997-тӥ арын, Удмурт Элькунысь Глазкарын) — егитъёслэн мер ужчизы, «Герд» удмурт йӧскалык лулчеберлыко огазеяськонлэн егитъёсын ужанъя ёзэтэзлэн кивалтӥсез (2016-тӥ арысен).

Евгений Андреевич Веретенников
Ужан удысэз: мер ужчи, инженер
Вордӥськем нуналыз: 24-тӥ гудырикошконэ 1997(1997-08-24) (26 арес)
Вордӥськем интыез: Глазкар, Удмурт Элькун, Россия
Кунмуртлыкез: Россия ( Удмурт Элькун)
Кузпалыз: кышнояськымтэ
Нылпиосыз: ӧвӧл
Данъянъёсыз:

«Дышетсконын вылӥ азинсконъёссы понна» зарни медаль

Улон сюресэз Тупатыны

Вордӥськиз 24-тӥ гудырикошконэ 1997-тӥ арын. Со йӧслык — удмурт.

«Устолыкъёсъя 2-тӥ номеро нылпи школа» Глазкарысь ватсаса тодон-валан сётонъя интыысь коньдэтэн возиськись ужъюртысь чеберлыко ёзэтэз (2012-тӥ арын) но «Физико-математической лицей» Глазкарысь огъядышетонъя интыысь коньдэтэн возиськись ужъюртэз (2015-тӥ арын) быдтӥз. «Дышетсконын вылӥ азинсконъёссы понна» зарни медаль басьтӥз.

2015-тӥ арын «МИФИ» Йӧскалык эскерон мульы университетэ (ЙЭМУ МИФИ) пыриз. Та арын ик «Герд» удмурт йӧскалык лулчеберлыко огазеяськонын ужаны кутскиз. Собере Евгений Веретенников «Герд» огазеяськонлэн егитъёсын ужанъя ёзэтэзлэн кивалтӥсез луиз. Университетын со сборной уян команда ёзчи вал[1].

2018-тӥ арын ЙЭМУ МИФИ-ын «Мульы лекторийлэн устооссэ лекторез» ним басьтӥз[2][3].

2019-тӥ арын Евгений Веретенников Мускоысь кивалтэт бордын Мускоысь улосвыл бӧлякъёслэн координаци кенешысьтызы Егитъёслэн ӧрияз пыриз[4].

2021-тӥ арын «МИФИ» Йӧскалык эскерон мульы университетэз йылпумъяз, «инженер-физик» квалификация («Мульы реакторъёс но материалъёс» ӧнер) басьтӥз. Евгений Веретенниковлы офицерской звание (лейтенант запасын) сётӥзы. Та арын ик «Росатом» Кун корпорациысь карьерной центрын инженерын ужаны кутскиз.

 
Александр Волков но Евгений Веретенников (2015 арын)

Озьы ик учке Тупатыны

Литература Тупатыны

  • Земляки. Удмуртское землячество в Москве. Ижкар, «Удмуртия» лыдӟетпоттонни, 2008.

Чӧлсконъёс Тупатыны

Валэктонъёс Тупатыны