Горяинов, Александр Павлович

Алекса́ндр Па́влович Горя́инов — Удмурт Республикалэн Президентэзлэн но Правительствоезлэн администрациенызы кивалтӥсь.

Вордскемын 7 феврале 1952 аре Куйбышев улосын Большая Глушица ёросын Тамбовка черкогуртын.

Дышетскемез

1974 аре йылпумъяз Куйбышевысь инженерияя но лэсьтӥськонъя институтэз (специальностез — «Промышленностьын но огшоры улонын лэсьтӥськон»), 1995 аре – Россия Федерацилэн Правительствоез бордысь Калык возёсъя академиез. Кун кивалтонъя магистр луэ.

Ужамез

• 1974-1989 – Чупчи механикая заводын (Глаз карын) ремонтъя но лэсьтӥськонъя цехын мастер, промышленностья участокен кивалтӥсь, технолог, цех кивалтӥсьлэн воштӥсез;
• 1989-1994 – Глаз карысь калык депутатъёслэн кенешсылэн быдэстон комитетэзлэн тӧроезлэн воштӥсез, нырысетӥ воштӥсез, 1994 арысен — тӧро.
• 1994-1999 – Глаз карысь Администрацилэн йырыз.
• 1999-2000 – Удмурт Республикаысь Правительстволэн Аппаратэзлэн кивалтӥсез;

2000 аре 20 толсуре Удмурт Республикалэн Президентэзлэн но Правительствоезлэн администрациенызы кивалтӥсе юнматэмын.

Дано пусъёсыз

• «За заслуги перед Отечеством» II степенё орденлэн медалез,
• «За заслуги в проведении Всероссийской переписи населения» нимо медаль.
• Удмурт Республикаысь Данъян грамота;
• Удмурт АССР-ысь Вылӥ Кенешлэн Данъян грамотаез;
• Удмурт Республикаысь Кун Кенешлэн Данъян грамотаез.

А. П. Горяинов — Удмурт Республикаысь дано лэсьтӥскись. Нацилэсь дано пусъёссэ сётъянъя Быдӟым Пётр нимо Россиысь мерлыко комиссилэн «Россиысь умоез менеджер» нимо дипломез вань.

Хоббиосыз

Ваньмон дыръя А. П. Горяинов спортэн, уката ик футболэн эшъяське. Футболэз со яратэ пинал дырысен ик, ас вакытаз «Газовик-Газпром» команда понна шудыса, ветеранъёс пӧлын Удмуртилэн чемпионэз вал. Яратэ инкуазез, чорыганэз, пӧйшуранэз.

Семьяез

Кышнояськемын, вань нылыз по пиез.

Чӧлсконъёс

• А. П. Горяинов Удмурт республикалэн сайтаз