Иворъёс:2011-01-27
Удмурт Википедиын сюрс статья
Дуннеысь быдӟым интернет-проектъёс пӧлысь огезлэн, эрико энциклопедилэн Википедилэн удмурт кылын ужась люкетаз статьяослэн лыдзы али 1000-озь вуиз. Википедия удмурт кылын „вераськыны“ кутскиз 2005 аре. Ӵапак соку Россиысь калыкъёслэсь кылъёссэ интернет удысын азинтон бордын кема ужась адямиослэн — Илья Евлампиевлэн, Денис Сахарныхлэн но Вячеслав Ивановлэн кичӧлтэмзыя http://udm.wikipedia.org адресъя усьтӥськиз выль интернет-проект — удмурт Википедия. Удмурт кылын сяна, Википедилэн люкетъёсыз вань на Россиысь куд-ог мукет финн-угор калыкъёслэн кылъёсазы но: саам, улыг пал пор кылын, мокша но эрзя кылъёсын но мукет. Али удмурт Википедие ялан гожъясь викиавторъёс, туж жаль, уно ӧвӧл. Но соос вань. Сюрсэтӥ статьязэ гожтэм вики-автор — Kmoksy — Турциысь, мылысь-кыдысь ужа пӧртэм википедиосын, юрттэ соослы умойгес но тунсыкогес луыны.
Мае лыдӟыны луысал на удмурт Википеди пумысен?
- Удмурт википеди сярысь нырысетӥ ивортон гожтэт
- Удмурт википеди сярысь кыкетӥ ивортон гожтэт
- ru:Википедия:Разделы_Википедии_на_языках_России
- ru:Википедия:Проект:Малые_разделы_Википедии_на_языках_России