Валтӥсь меню усьтыны
Заводлэн административной юртэз

Ижкарысь металлургической завод (ОАО «Ижсталь») — кунысьтымы корт поттон промышленность удысысь огез валтӥсь центр луэ. Заводлэн историез 240 ар пала лыдпусэн мертаське. Туннэ нуналлы завод — Россиысь «Мечел» корпорацилэн ог люкетэз луэ.

Азинскон сюресэзТупатон

1760-тӥ арын граф П. И. Шуваловлэн кивалтэмез улсын Оӵ шур вылын корт дурон завод но молотовой фабрика лэсьтон радъямын. Нырысетӥ аръёсысен ик завод умой качествоен поттӥсь кортэныз дано луиз. Соин сэрен 1859-тӥ арысен Ижысь завод Россиысь вань пыӵал тирлык заводъёсы огназ корт вуттись (поставщик) луиз.

XIX-тӥ даурысен заводлэн производствоез азинскыны кутскиз: ужанрадлыказ выль технологиос пыӵаны кутскизы. Вылӥ качествоен корт арбериосты пӧртэм калыккуспо адӟытонъёсын возьматыны кутско. Парижысь огаз калыккуспо адӟытонын Ижысь завод вылӥ наградез басьтӥз.

1914-тӥ арын Нырысетӥ дунне ожен сэрен корт поттон производство паськытатэмын вал. Сталь лэсьтон уж ожгар вакытъёсы арысь аре азинске.

1925-тӥ арын Ижысь металлургъёс кортлэсь авиационной маркаосты поттон производствоез радяло. 1931-ти арын комиссилэн эскеремезья, Ижысь сталь, дуннеысь стален ӵошатыса, умоен лыдъямын, швед стальлэсь номырин уг висъяськы.

Бадӟым Атыкай ож дырья корт поттон производство кык поллы будэтэмын вал. Озьы ке но качествоез ласянь воштӥськонъёс ӧй вал.

1961-1985-тӥ аръёсы Ижысь металлургической завод выль азинскон сюресэ кожиз — завод бордын кылдытэмын интеллекутальной отдел. Ӧнерчиос туала куронъёсъя корт дурон производствоез радъяны кустко. Соин ик со вакытэ Ижкар та направления Россиысь валтӥсь центр луиз.

Туннэ нуналлы «Ижсталь» заводлэн 4 люкетэз ужа: сталелитейной, прокатной, кузнечно-термической, проволока но лента поттон. Заводын поттэм стальлэсь лэсьто подшипникъёсты, пружинаосты, автомобильёсты, сельхоз машинаосты, самолётъёсты, космос аппаратъёсты.