Инвожо (ансамбль, Уддяди)

Инвожо — Кияса ёросысь Уддяди гуртысь фольклор ансамбль.

Та кыллэн мукет валатонъёсыз но вань, учке Инвожо (валатонъёсыз).

Историез

Кылдэмын со 1986-тӥ арын клубын ужасьёслэн но гурт калыклэн мылкыд каремезъя.

Коллективез

«Инвожо»-лэн коллективез ялан вошъяське. Азьвыл отчы мыло-кыдо егитъёс но ветлӥллям, нош али 45-75-аресъем гурт калык гинэ на (тросгес кышномуртъёс). Лыдыз но пӧртэм луэ. Туннэ нуналлы отын дас вить пала кырӟасьёсыз.

Кивалтӥсьёсыз

Кивалтӥсьёсыз та коллективлэн кык кузя, шуыны луоз. Со Уддяди шутэтскон юртлэн кивалтӥсез, усто арганчи Николай Иванович Смирнов, нош 2001-тӥ арысен — Кияса ёросысь тодмо ужась Надежда Викторовна Пахомова но.

Концертъёсы потан

2007-тӥ арын коллектив котыртӥз Башкортостанысь кӧня ке городъёсыз. Озьы ик «Инвожоос» вал Эстониын, 2006-тӥ арын — Латвиын, нош азьлогес ни Финляндие но вуылӥзы. 2011-тӥ арын коллектив быгатонлыкъёссэ «Минута славы» проектын возьматӥз, Удмуртилэсь данзэ Мускоын утиз.

Вормонъёсыз

Ансамбль пусъемын пӧртэм данъянъёсын. Куд-огез соос пӧлысь:

Россиысь но Удмуртиысь лулчеберетъя министерствоослэсь Поволжьеысь но Приуральеысь фин-угор «Воршуд» фестивальын вормонъёссы понна диплом (2002)
2003-тӥ арын 31-тӥ толшоре ансамбль ӟуч кырӟанъёсъя «Родные напевы» фестивальын лауреатлэсь дипломзэ басьтӥз "Фольклор кырӟан" номинациын
2007-тӥ арын 24-тӥ шуркынмонэ Кияса ёросысь Первомай черкогуртын пусъемын дипломен удмурт культураез чакламзы, утемзы но азинтэмзы понна но ёросын ортчем «Хоровод дружбы» фестивале мыло-кыдо пыриськемзы понна, кудӥз сӥземын вал Удмуртилэн Россие пыремез дырысен 450 ар тырмонлы.

Чӧлсконъёс

Ансамбль сярысь вакчияк