Станислав Андреевич Корепанов (Стас Корепанов) — Эгра посёлокысь пияш (1989—2007). 2007 аре 27 южтолэзе (мартэ) Ижкарын туж зол жугемын вал но 31 южтолэзе (мартэ) эмъясконниын басьтэм травмаослэсь кулӥз. Солэн быремез туж паськыт масс-медиа-кампанилы ньӧм каремын вал: быдэс Россиез кышкатъязы вир юись — йыр вандӥсь «ӟуч фашистъёсын», «неонацистъёсын» но «скинхедъёсын». Стасэз виемен сэрен ӝутэм уголовной уж судэ сётэмын, но судъян процесс йылаз-пумаз вуттэмын вал, йыртэмасьёс срокъёссэс басьтӥзы (13 арес)[1]. Озьы ке но, пумкыл (приговор) ялэм бере но та виро уж котьма ласянь валамон луоз шуыса оскон туж ӧжыт.