Короленко, Владимир Галактионович
Владимир Галактионович Короленко — ӟуч писатель, публицист, журналист, калыкез югдытӥсь. Вордӥськемын 15-тӥ (27-тӥ) июле 1853-тӥ арын, Украинаысь Житомир городын. Эксэй кивалтон аръёсы но, Россиын Граждан ож мыныку но, В. Г. Короленко висъяськиз адямилыко луэменыз, калыклэсь правооссэ утьыны тыршеменыз. Эксэй радлык пумысен лек мылкыдыз понна репрессиос улэ сюрылэмын.
| Владимир Галактионович Короленко | |
 | |
| Ужан удысэз: |
гожъяськись[d][1][2][3], автобиограф[d], литературный критик[d], журналист[d], автор[d][4], прозаик[d] но публицист[d] |
|---|---|
| Вордӥськем нуналыз: | |
| Вордӥськем интыез: |
Житомир, Житомирский уезд[d], Волынская губерния[d], Российской империя[d][5] |
| Кун: | |
| Кулон нуналыз: |
25-тӥ толсуре 1921[8][9][…] (68 ар) |
| Кулон интыез: | |
| Автографез: |
|
| Владимир Галактионович Короленко Викискладын | |
Писательлэн улэм-вылэмез
ТупатыныКорленко вордӥськиз Житомирын, уездысь судьялэн семьяяз. Атаез казак выжыысь вылэм. Галактион Афанасьевич висъяськиз чурыт сяменыз, пиезлэн улон шоры учконаз со бадӟым инты басьтӥз. Бӧрысьгес атаезлэсь образзэ В. Г. Короленко возьматӥз «В дурном обществе» повестяз.
Володя Короленко дышетскиз Житомирысь гимназиын, атаез улонысь кошкем бӧрсьы, дышетсконзэ азьланьтӥз Ровенской гимназиын. 1871-тӥ арын дышетскыны пыриз Санкт-Петербургысь технологияя институтэ. Но ёрмыса улэменыз 1874-тӥ арын выжоно луэ Москваысь музъем ужъёсъя Петровской академие. Пинал дырысеныз ик Короленко итӥськиз калык движение борды. Студентъёслэн лушкем огазеяськонъёсазы пыриськемез понна В. Короленкоез 1876-тӥ арын академиысь уллязы, со келямын вал Кронштадт каре, сое чаклаз полиция. Отын со уксё поттоно луиз - типографиын корректор луыса тыршиз, пиналъёслы урокъёс сётъяз. Срокез йылпумъяськем бере Короленко Петербурге берытскиз. 1877-тӥ арын дышетскыны пыриз Питерысь Горной институтэ. Ӵапак та вакытэ ик кутске солэн литературае кыстӥськонэз. 1879-тӥ арын Питерын потӥсь «Слово» журналын потӥз вуоно писательлэн нырысетӥ ужез - «Из жизни искателя» новеллаез. Но мукет араз ик - 1879-тӥ арын - Короленко нош ик уллямын институтысь, революция тулкыме пыриськемез понна. Келямын Ватка губерниысь Глазкаре. Бӧрысь - 1895-1896-тӥ аръёсы - Короленко утиз удмуртъёсты. Соос янгыше уськытэмын вал, адями виыса, Инмаръёслы курбон сётэменызы. В. Короленко вань кужымзэ сётӥз соосты судын утёнлы. Озьы удмурт калык утемын вал янгыше уськытонлэсь.
1881-тӥ арын В. Короленко ыстэмын вал Сибире, Якутия котыре. Куать ар ссылкаын улэмез писательлэсь улон шоры учконзэ юнматӥз, вуоно произведениосызлы инъет кылдытӥз.
1885-тӥ арын В. Короленко Нижний Новгородэ улыны интыяське. 1885-тӥ - 1895-тӥ аръёсы - В. Короленколэн самой яркыт вакытэз, соку со кылдытӥз уно произведениоссэ. Ӵапак со вакытэ со сярысь ивор калык пӧлы вӧлме.
1886-тӥ арын потэ солэн нырысетӥ книгаез - «Очерки и рассказы». Со аре ик гожтэ «Слепой музыкант» новеллазэ. Соос пыр автор тодаз вае Украинаын ортчытэм пичи дырзэ, озьы ик ссылкаосын ортчытэм аръёссэ. Шудэз шӧдыны луэ астэ ачид яратон мылкыддэ вормыса гинэ, шуэ писатель. 90-тӥ аръёсы В. Короленко дуннеез котыръя. Вуылэ Россилэн пӧртэм сэрегъёсаз, Америкае. 1895-тӥ арын потэ «Без языка» повестез. Ужъёссэ берыкто пӧртэм кылъёсы, соос пото кунгож сьӧрын. 1895-тӥ -1900-тӥ аръёсы писатель Питерын улэ, "Русское богатство" журналлэн редакторез луэ. Бӧрысь улыны выже Украинае - Полтавае. Мӧйымыса В. Короленко басьтӥське «История моего современника» романзэ гожтон борды. 4-тӥ томзэ йылпумъятэк, тыэз висьыса, улонысь кошке. В. Г. Короленко Петербургысь наукаосъя академилэн ёзчиез вал, но 1902-тӥ арын солэн радысьтыз потӥз Максим Горькийлы дур басьтыса, угось М. Горькиез академиысь улляны туртто вал. В. Г. Короленко сярысь эшъёсыз шуылӥзы: Со - Россилэн сюлмыз (совесть).
Кузпалыз - Евдокия Семёновна Ивановская, будэтӥзы Наталья но Софья нылъёссэс.
Куд-ог ужъёсыз:
Чудная - 1880-тӥ арын
Яшка - 1880-тӥ арын
Убивец - 1882-тӥ арын
Сон Макара - 1883-тӥ арын
Лес шумит. Полесская легенда - 1886-тӥ арын.
- ↑ Бялый Г. А. Короленко // Краткая литературная энциклопедия — М.: Советская энциклопедия, 1962. — Т. 3.
- ↑ Архив изобразительного искусства — 2003.
- ↑ Library of the World's Best Literature — 1897.
- ↑ https://www.bksh.al/details/31552
- ↑ 5,0 5,1 Венгеров С. А. Короленко, Владимир Галактионович // Энциклопедический словарь — СПб.: Брокгауз — Ефрон, 1895. — Т. XVI. — С. 314-316.
- ↑ Литераторы Санкт-Петербурга. ХХ век
- ↑ Историческая энциклопедия Сибири — Новосибирск: 2009. — ISBN 5-8402-0230-4
- ↑ Encyclopædia Britannica
- ↑ Энциклопедия Брокгауз
- ↑ идентификатор BNF: اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.