Красильников, Алексей Геннадьевич
Алексей Геннадьевич Красильников (вордскемын 13 октябре 1954 аре, кулӥз 1 мартэ 2011 аре) — философия наукаосъя доктор, филология наукаосъя кандидат, Россия Федерациысь вылӥ тодон-валан сётон удысысь дано ужась, пусъемын Удмурт Республикаысь Кун Кенешлэн Данъян грамотаеныз но «Парламент России» пусэн. Удмурт Республикаысь Кун Кенешлэн ньыль ӧтчамезлэн Майской округъя быръем депутатэз. Одӥг ӧтчамаз кивалтӥз Наукая, дышетонъя, культурая но егитъёсын ужан политикая ялан ужась комиссиен, бӧрысь та комиссиен кивалтӥсьслэсь воштӥсезлэсь ужзэ быдэсъяз.
| Алексей Геннадьевич Красильников | |
| Ужан удысэз: |
филолог, культуролог, кун ужчи |
|---|---|
| Вордӥськем нуналыз: | |
| Вордӥськем интыез: |
Алнаш, Алнаш ёрос, УАССР, СССР |
| Кулон нуналыз: |
1-тӥ южтолэзе 2011 (56 арес) |
| Атаез: | |
| Данъянъёсыз: |
Удмурт Республикаысь Кун Кенешлэн Данъян грамотаез, «Парламент России» пус |
Алексей Геннадьевич Красильников вордӥськиз 1954-тӥ арын 13-тӥ октябре тодмо удмурт писательлэн Геннадий Дмитриевич Красильниковлэн семьяяз.
Тодон-валан люкан сюресэз
ТупатыныШколаез йылпумъяса, А. Красильников 1971-тӥ арын дышетскыны пыриз Удмурт кун университетысь филологияя факультетэ. 1976-тӥ арын УдГУ-эз йылпумъяса, дышетсконзэ азьланьтэ Ленинградысь кун университетын. 1976-тӥ арысен 1980-тӥ арозь Удмурт кун университетысь кунсьӧр литературая кафедралэн ассистентэз луыса тырше. Бӧрысьгес сое та кафедрае ик юнмато валтӥсь дышетӥсе но доцентэ. 1980-тӥ арысен 1988-тӥ арозь тырше Удмурт кун университетысь филологияя факультетлэн деканэзлэн воштӥсез луыса. 1989-тӥ арысен 1995-тӥ арозь кивалтэ УдГУ-ысь гуманитарной подготовкая но культуралэн историезъя кафедраен.
Политикаын интыез
Тупатыны1995-тӥ арысен пыриське политикае. 1995-тӥ арысен 1999-тӥ арозь — Удмурт Республикаысь Кун Кенешлэн Тӧроезлэн воштӥсез. 1999-тӥ арын депутатэз А. Г. Красильниковез юнматӥзы Наукая, дышетонъя, культурая но егитъёсын ужан политикая ялан ужась комиссиен кивалтӥсе. Со ужзэ со быдэсъяз 2007 арозь.
Дышетон удысын кивалтэмез
ТупатыныАлексей Геннадьевич Красильников 2008 арысен 2011 арозь ик кивалтӥз Удмурт Республикаысь Дышетӥсьёслэсь тодон-валанзэс будэтонъя но быгатонзэс волятонъя институтэн (ИПК и ПРО УР).