Красногорск черкогурт

Красногорск — Удмуртиысь черкогурт, Красногорск ёрослэн шорсюлмыз. Кылдэмын 1837-тӥ арын 1-тӥ апреле. Интыяськемын Ыбыт шур вӧзын. Красногорскысен Глазкарозь 59 иськем.

Черкогурт Красногорск ӟуч Красногорское 57°42′25″ с. ш. 52°29′49″ в. д. Шаер Россия Улос Удмуртия Ёрос Красногорск ёрос Улӥсьёс (2012) 4302 адями Часовой пояс UTC+4 Телефон код 34164 Почта индексъёс 427650 Официальной сайт mo-krasno.ru

Красногорск

Красногорск ВикиCommons-ын

Свято-Покровской черк

Нырысь-валысь черкогуртэз нимазы Святогорск шуыса. Та сярысь гожтэмын Ватка епархилэн Ведомостяз. 1834-тӥ арын Юкаменск приходысь сизьым крестьянъёс вазиськизы Глазысь духовной правление. Куронзы таӵе: кулэмъёсты мед лэзёзы ватыны староверъёслэн шайвылазы. Уго асьсэ шайвылазы сюрес но кузь — 25-30 иськем, озьы ик тулыс-сӥзьыл сюресъёс но уг луо. Но черкын ужасьёс кышказы, калык православилэсь палэнскоз шуыса. Соин Глаз округысь Таракановский гурт доры выль черк пуктыны кутскизы. Та приходэ пырыны мылкыд каризы 50 гуртын улӥсьёс — ваньмыз 346 юрт.

19-тӥ даурлэн пумозяз Святогорьеын шуг-секыт югдур вал улон коркаос ӧвӧлэн. Уго черкогуртын вал черк ужасьёслэн гинэ юртъёссы. 1883-тӥ арын храм бордын усьтӥськиз школа, татчы дышетӥсе келязы Василий Иванович Ливановез. Нош та арын ик августэ настоятеле юнматӥзы Иван Алексеевич Васнецовез. Бӧрысь тодосчиос пусйизы, со тодмо Васнецов суредасьёслэн выжыысьтызы потэ шуыса. Соин Красногорьеысь черкын борддоръёсын вань солэн суредъёсыз.

1890-тӥ арын Святогорьеын пуктӥзы нырысетӥ из черк. Сое 10 ар ӝутӥзы. Черкез лэсьтӥзы Чарушин но Дружинин архитекторъёслэн проектсыя.

Черкогуртын ог 5 сюрс пала улӥсез. Красногорскын вань шор ёзо школа, вить нылпи сад, спортъя нылпи школа, кык библиотека, шаертодонъя музей.