Кузон

Кузон (биг. Казан, ӟуч Каза́нь) — Россия Федерациысь кар, Татарстан Республикалэн шоркарез, вузкаронъя, транспортъя, наукая, религияя но промышленностья центр.

Кар
Кузон
Флаг[d] Герб[d]
55°47′27″ с. ш. 49°06′52″ в. д.
Шаер	Россия
Глава	Ильсур Раисович Метшин[d]
Историез но географиез
Кылдытэмын	1005
Нырысьсэ веранъёс	1391
Площадь	613 км²
Высота центра	60 метр
Часовой пояс	UTC+3:00[d]
Улӥсез
Улӥсез	▲1 259 173 чел. (2022)
Улӥсь калыклэн плотностез	1915 адями/км²
Агломерация	1 560 000
Нимлыко кыл	ӟуч кыл и Бигер кыл
Лыдпус тодметъёс
Телефон код	+7 843
420000–420999
Шаблон:URL
<div class="ts-ПозКарта-метка" style=" left:%; top:%"> Кузон
Медиафайлы на Викискладе

Татарстан Республикаысь Президентлэн дворецез Кузон кремльын

Улӥсьёсыз:(2005):

• 1,110 млн. адями (карлэн границаосаз) (Россиетӥ 8-тӥ интыын),
• 1,161 млн. адями (муниципальной образованилэн границаосаз) (Россиетӥ 6-тӥ интыын),
• 1,360 млн. адями агломерациын (Россиетӥ 9-тӥ интыын).

Нимыз но историез

Та карлэн вашкала удмурт нимыз (али вакытэ со пумозяз вунэмын ӧвӧл на) — Кузон, бигер кылын — Казан. Со нимлэн кытысь потэмез пумысен учёнойёс огкылэ вуэмын ӧвӧл. Тужгес оскымын луэ таӵе версия, кудӥз Казаньлэсь нимзэ Булгарын 1367-1370 аръёсын кивалтыса пукем Хасан-ханлэн нимыныз герӟа.

Казаньлэн кылдон дырыз пумысен но споръяськонъёс мыно. Бигер археологъёс оскыто, Казань 1005 аръёсы волга булгаръёслэн карзы луыса кылдытэмын вал. Мукет учёнойёс талы уг оско, Казань, пе, XIII даурлэсь вазьгес кылдыны уг быгаты вал, шуо. Кызьы ваньмыз со зэмзэ вал, шуг вераны.

Котьма ке но, XIII-XIV дауръёсы Казань Зарни Ордалэн вузкаронъя но политикая центръёсыз пӧлысь бадӟым рользэ шудэ. 1408 аре Казаньысь кивалтӥсьёс асьсэлэсь коньдонзэс поттыны кутскизы. 1438 арысен Кузон ханстволэн шоркарез луэ.

1552 арысен Казань Россие пыре. Со аре Россиысь эксэйлэн Иван Грознойлэн ожгарчиосыз басьтӥзы но быдэс Кузон ханствоез киултыны кутскизы (ӧжыт бергес Россие лымшор удмуртъёс но пыриллям). 1708 арысен Казань — Казан губернялэн центрез. 1919 аре со луиз огъя Бигер-Башкорт АССР-лэн шоркарез, нош 1920 арысен со нимаз Бигер АССР-лэн шоркарез луэ ини. 1990 арысен со — Татарстан Республикалэн шоркарез.

Казаньлэн ролез удмурт калыклэн историяз

Уно аръёс ӵоже Казаньын пукиллям лымшор удмуртъёслэн кивалтӥсьёссы — нырысьсэ бигеръёс, собере ӟучъёс. Отысь быдэс Волга-Урал регионэтӥ паськыт вӧлмыны кутскиз христиан оскон. Казаньысь университет калыкез югдытонъя туж бадӟым рользэ шудӥз. Университетлэн типографияз печатламын вал нырысетӥ удмурт книгаос (1847). Казаньын ик дасямын вал нырысетӥ удмурт грамматика (1775). Отын ик нырысьсэ малпамын вал нимысьтыз удмурт алфавит (Ильминскилэн алфавитэз; 1870-тӥ аръёсы). Революцилэсь азьвыл Казаньын дасямын но поттэмын вал уно удмурт книгаос.

Кузон агломерация

1136,566 сюрс адями – 2010-тӥ арын 1-тӥ январьлы лыдпус (городъёс пӧлын улӥсьёслэн лыдызъя 6 интыын сылэ). Татарстанысь экономикая министерстволэн кичӧлтэмезъя 2009 арысен Кузон агломерация кылдытэмын. Город паськытаз – пыризы матысь 6 административной ёросъёс но кык город – Волжск но Звенигово. Огъя агломерациын улӥсь калыклэн лыдыз 1,56 млн. адями луиз.

Карысь аскивалтон

Кузон муниципальной кылдэт 7 ёрослы люкемын: Авиастроительной, Вахитовской, Кировской, Московской, Ново-Савиновской, Приволжской, Советской.

Городэн кивалто – мэр, кар дума, быдэсъян комитет.

Экономика

Кузон – Россиысь огез тужгес ик бадӟымез промышленной, финансовой, вузкарон но туристической центрез луэ. Приволжской федерал округын улон юртъёсты лэсьтонъя нырысетӥ интыын сылэ.

Кузонын Россиын валтӥсь 6 корпорацилэн штаб-квартираоссы интыяськемын.

Банк сектор азинскемын – 3 интыын сылэ (Муско но Санкт-Петербург бере).

Промышленность: машина поттон, химия но мувӧй.

Информационной технологиосъя – огез валтӥсь центр. Татын Европаын самой бадӟымез «Идея» нимо технопарк ужа.

Транспорт

Кузонын трамвай, троллейбус, автобус транспорт ветлэ. Озьы ик вань метро.

Кар пыр ортче «Волга» федерал сюрес. Вань на Чугун сюрес, шур порт, аэропорт.

Дышетскон удыс

Городын 282 нылпи сад, 178 школа.

Выли образованиез сётӥсь дышетскон интыослэн лыдзы 44 луэ. Кузонын гинэ (Россиысь вань городъёсты лыдэ басьтыса) огдыръя федеральной но национальной исследовательской университетъёс ужало.

Валтӥсь университетъёс:

• Казанской федеральной университет
• Казанской государственной технической университет
• Казанской государственной технологической университет
• Казанской государственной энергетической университет

Ужа Татарстан Республикаысь Наукосъя Академия.

Культура

Карын В. И. Качалов, Галиаскар Камал, Муса Джалиль нимоесь театръёс ужало, кудъёсыз быдэс Россиылы но дуннелы тодмо луо. Исторической памятникъёс пӧлын — Кузон кремль, Кремлёвской, Баумана но мукет урамъёсысь вашкала юртъёс, Петропавловской собор но мукет.

Казаньын «Зарни Минбар» мусульман киностудизы ужа. Вань 34 кун музейзы. Кузонын гинэ Эрмитажлэн филиалэз ужа.

Чӧлсконъёс

(ваньмыз сямен — ӟуч кылын)

• Казань карысь администрацилэн сайтэз
• «Моя Казань» — карлэн ивортон-шулдыртон порталэз
• Казань кар но отын улӥсьёс
• Казань портал
• Казаньысь но котырысь туспуктэмъёс
• Казаньысь кар транспорт
• Казаньысь архитектура
• Казань вашкала открыткаосын но туспуктэмъёсын
• Шахмат Казаньын но Татарстанын
• Казаньысь клубъёслэн порталзы
• Казань сярысь email-форум
• Блог «Казаньын»
• Казань сярысь (Англи кылын)
• Казань — ивортон-шулдыртон портал