Кулакова, Галина Алексеевна

Галина Алексеевна Кулакова — куас вылын ворттылонъя спортсмен, Олимпия шудонъёсын ньыль пол чемпионка луэм кышномурт (1972-тӥ арын — спортлэн куинь удысаз, 1976-тӥ арын — эстафетаын), Дуннелэн 9 пол луэм чемпионкаез, нош СССР-лэн — 39 пол.

Галина Алексеевна Кулакова
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 29-тӥ оштолэзе 1942({{padleft:1942|4|0}}-{{padleft:4|2|0}}-{{padleft:29|2|0}})[1][2] (81 год)
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Логотип Викисклада Галина Алексеевна Кулакова Викискладын

Пичи дырыз Тупатыны

Та дано кышномурт вордӥськиз 1942-тӥ арын 29-тӥ апреле Вотка ёросысь Степаново (Логачи) гуртын. Аслэсьтыз нырысетӥ куассэ Галина Алексеевна ас киосыныз лэсьтӥз. Дасяз со сое пипулэсь, но куасъёсыз кемалы уг чидало вал, соин ик выльёссэ дасяно луылӥз. Нырысетӥ ӵошатсконаз шедиз малпамтэ шорысь. Отын бызьылыны кулэ вал солэн Лида сузэрез. Но со отчы пыриськыны ӧз быгаты, бызьылыны куриз Галя сузэрзэ. Галина Алексеевна солы юрттӥз, сузэрез понна куасэн бызьылӥз но гуртаз дыртӥз — отын угось сое витё вал кысконо скалъёсыз. Ӝоген со Лида сузэрезлэсь телеграммазэ басьтӥз: «Лыкты Ижкаре!» Ӵошатсконын Галина кыкетӥ инты басьтэм, сое бадӟым спортлы дасяны кутскизы. Со дырысен Галина Кулакова рос-прос басьтӥськиз спорт — куасэн бызьылон — борды.

1965-тӥ арын ай нокыӵе разряд басьтымтэ Галина пыриськиз Смоленскын ортчись ӵошатсконъёсы. Ваньзэсты азьпалтӥз! Отын спортъя 67 мастеръёс бызьылӥзы ке но! Ӵошатсконэз радъясьёс паймизы: ма, кытысь шедьтӥзы таӵе шаплы удмурт дояркаез?!

Галина Алексеевна дышетскиз Кемерово улосысь мугорез кыдатон культурая Прокопьевской техникумын. Сое йылпумъяса, келямын вал Ижысь «Ижтяжбуммаш» заводэ. Отын со тыршиз тренер-дышетӥсь луыса.

Улон сюресэз Тупатыны

1982-тӥ арын Галина Алексеевналы 40 арес тырмиз — соку со спортлэсь палэнсконо кариськиз. Со бӧрсьы кык ар ортчыса, Олимпийской комитетлэн кивалтӥсез Галина Алексеевнаез дуннеысь спортэз азинтэмез понна пусйиз азвесь Олимпийской орден. Г. А. Кулаковалэн кадь вормонъёсын — куасэн бызьылонын — «пиштыны» ӧз быгаты одӥг спортсмен но!

Галина Алексеевна Кулакова та нуналъёсы улэ-вылэ Удмуртиысь Дэри ёросысь Италмас каргуртын. Италмас каргурт котырын интыяськемын Г. А. Кулаковалы сӥзем музей. Со сяна, Удмурт Республикалэн Президентэз Александр Волков юрттэмъя шаерамы усьтэмын Г. А. Кулаковалы сӥзем спортъя комплекс. Отын мугорзэс кыдато будӥсь пиналъёс, Удмуртилэн сборнояз пырисьёс.

Валэктонъёс Тупатыны

  1. Кулакова Галина Алексеевна // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Galina Kulakova // Encyclopædia Britannica (англ.)