Лида

Ли́да (бел. Ліда, лит. Lyda, пол. Lida) — Белоруссилэн шундыпуксён палысьтыз кар. Гродно улосысь бадӟым промышленной центр, Лида ёрослэн шоркарез.

Кар Лида бел. Ліда Флаг ЛидыФлаг Герб ЛидыГерб 53°53′14″ с. ш. 25°18′10″ в. д. Шаер Белоруссия Улос Гродно улос Ёрос Лида ёрос Кылдытон дыр 1323 Территория 50 км² Улӥсьёс (2015) 99 976 адями Часовой пояс UTC+3:00 Телефон код 1561 Почта индекс 231300 но мукетъёсыз Автомобиль код 4 Официальной сайт lida.by

Лида

Лида ВикиCommons-ын

Лидаысь Гедиминлэн замокез

«Лида» кунокуа

Курган Бессмертия вӧзысь парк

Интыяське Гродно улослэн шорсюлмаз. Лида дорысен Польшаен кунгожозь — 120 иськем, Литваен — 35 иськем, Гродно дорозь — 110 иськем, Вильнюсозь — 100 иськем, Минскозь — 164 иськем. 2013-тӥ арын 1-тӥ толшоре Лидаын улӥсьёслэн лыдзы 99 976 вылэм.

Историез

Лыдъяське, Лида 1323-тӥ арын кылдытэмын вал шуыса. Но Теодор Нарбут историк гожъяз, Лида 1180-тӥ арын кылдӥз но соку Дайнов княжествое пыриз шуыса.

Карысь улӥсьёсыз бигеръёслэсь но тевтон рыцарьёслэсь утён вылысь, 1323-тӥ арын кык шуръёс — Лидея но али куасьмон калэ вуэм Каменка — огазе луон интыын, Гедимин Быдӟым Литва Князь Лида замок пуктӥз, со секыт дыръёсы ватӥз карын улӥсьёсыз. Вашкала вакытъёсысь замок асьме дырозь возиськиз но туннэ Лидалэн символэз луэ. XIV—XVI дауръёсы Лида Литва Быдӟым Княжествоысь одӥгез бадӟым каръёс пӧлысь вал.

1795-тӥ арын Лида Росси империе пыриз. Совето-поляк ож (1919-тӥ-1921-тӥ аръёсы) бере Польшае пыриз.

Нимызлэн кылдэмез

Карлэн нимыз кылдэ балтийской lyda бордысь — корам нюлэс интыын утялтэм бусы.

Улӥсьёсыз

2010-тӥ арлэн даннойёсызъя, Лидаын 105 600 улӥсьёс лыдъяськизы. Соос пӧлын: 44,2 % — белорусъёс, 38,3 % — полякъёс но 14 % — ӟучъёс. Карын уло огъя 50-лэсь уно выжыосысь калыкъёс. XX даурлэн шорозяз отын тросгес еврейёс вылӥллям, 1897-тӥ арын отын 5 294 еврейёс улӥллям (9 323 улӥсьёс пӧлысь — 57 %); 1939-тӥ арын — 5 419 еврейёс; оккупация дыръя, 1941-тӥ арын 27-тӥ июньысен 1944-тӥ арын 9-тӥ июлёзь, Лидаын но Лида ёросын 25 149 мурт быдтэмын вал.

Экономикаез

Лидаын ужало 33 пӧртэм предприятиос: химической, сиён-юон, машина поттонъя, металлэн но пуэн ужанъя, электротехнической но мукет.