Людвиг ван Бетховен
Лю́двиг ван Бетхо́вен (16 толсур 1770[6], Бонн, Кёльнской курфюршество, Священной Рим импери — 26 южтолэзь 1827, Вена, Эрцгерцогство Австрия, Австрийской импери) — немец композитор, пианист но дирижёр, «венской классической школалэн» берпуметӥез тунсыкчиез.
| Людвиг ван Бетховен | |
| нем. Ludwig van Beethoven | |
 | |
| Валтӥсь тодэтъёс | |
|---|---|
| Вордӥськем дырыз |
предп. 16-тӥ толсуре 1770[1][2][…] |
| Вордӥськем интыез |
Бонн, Кёльнской курфюршество, Священна Рим Импери |
| Кулэм дырыз |
26-тӥ южтолэзе 1827[4][5][…] (56 ар) |
| Кун | |
| Ужудыс |
композитор, скрипач, пианист, дирижёр |
| Ужан аръёсыз | |
| Крезьгур инструментъёс | |
| Жанръёс |
Классической крезьгур (академической крезьгур XVIII даурлэн пумаз — XIX даурлэн кутсконаз), опера, симфония, соната, струнной квартет. |
| Логотип | |
| Кинюртэмез | |
|
| |
Бетховен — классической крезьгур дуннеын классицизмен романтизм вискысь тужгес яркытэз крезьгурчи луэ. Солэн произведениосыз быдэс дуннеын тужгес ӵем быдэсъяськисьёсыз пӧлы пыро. Бетховен со вакытысь вань тодмо жанръёсын ужаз: опера, драматической произведениослы крезьгур, спектакльёслы, хорлы сочинениос но мукет. Творчествояз тужгес бадӟым инты басьто инструментал произведениос: фортепианной, скрипичной но виолончельной сонатаос, фортепианолы, скрипкалы гожтэм концертъёс, квартетъёс, увертюраос, симфониос. Бетховенлэн творчествояз зол пыӵамын XIX но XX дауръёсысь симфонизм[7].
Улон сюресэз
Тупатыны
Людвиг ван Бетховен вордӥськиз 1770 арын 16 толсуре Бонн карын. Со арын ик 17 толсуре черке пыртэмын.
Атаез, Иоганн ван Бетховен (1740—1792) придворной капеллаын кырӟась - тенор вал. Анаез, Мария-Магдалина, бызьытозяз Кеверих (1746—1787), Кобленцысь придворной шеф-поварлэн нылыз. Песятаез, Людвиг ван Бетховен Старший (1712—1773), со капеллаын ик бас куараен кырӟаз, собере капельмейстерозь ӝутскиз.
Атаезлэн пизэ кыкетӥ Моцарт каремез туж потэ вал. Соин ик клавесинэн но скрипкаен шудыны дышетыны кутскиз. 1778 арын Кёльнын Людвиг нырысьсэ калык азьын шудӥз. Берло атаезлэн эшъёсыз пичи Бетховенэз органэн но скрипкаен шудыны дышетӥзы.
1782 арын Бетховен тодматскиз вуоно дышетӥсеныз Кристиан Готлоб Нефе органистэн но композиторен[8]. Нефе соку ик валаз, пияш огшоры ӧвӧл шуыса. Тодматӥз Бахлэн но Гендельлэн произведениосынызы, со вакытысь ик тодмо крезьгурчиосын: Ф. Э. Бахен, Гайднэн но Моцартэн. 12 аресказ, Нефе дышетэм улсын, "Вариации на тему марша Дресслера" шуыса нимаськись нырысетӥ сочиненизэ кылдытӥз. Пинал дыръяз гожтэмъёсыз пӧлысь тужгес тодмоез «Сурок».
1792 арысен 1802 арозь Бетховенлэн улон аръёсыз Венаын ортчо. Татчы лыктэм беразгес ик пианист-виртуоз луэменыз калыкез паймытэ но туж ӝог тодмо луэ[9].
Бетховен шудыкуз дурысьтыз регисьтръёсты кышкатэк ваче пумит пуктылӥз, (со вакыт ӵемгес шор гегистрен шудылӥзы). Озьы ик педалез зӥбылыса шудылӥз (сое но туж шер кытылӥзы со вакытысь крезьгурчиос), секыт аккордовой куараослэсь ӵош тупаса кылӥськемзэс кутылӥз. Со ик фортепианной стилез кылдытӥз, кудӥз туж висъяське со вакытэ шудӥсь клавесинистъёслэн манерзылэсь.
Со стиль шӧдӥське Бетховенлэн фортепианолы гожтэм сонатаосаз: № 8 «Патетической» (композитор ачиз таӵе ним сётӥз), № 13 но № 14. Тазэ кылбурчи Л. Рельштаб берлогес «Лунной» шуыса нимаз. Нимыз нырысетӥ люкетэзлы гинэ тупа ке но, со быдэс произведенилы лякиськиз.
1802—1815 аръсы пельыз лябӟемен, Бетховен ӧжытгес поталля гуртысьтыз, берло воксё кылэмысь дугдэ. Соин сэрен сямыз секыт, вераськисьтэм луэ. Но та аръёсы ик автор тужгес тодмо произведениоссэ кылдытэ. «Фиделио» операез бордын ужа. 1814 арын Венаысь собере Прагаысь но Берлинысь сценаос вылын возьматэм бере Бетховенлэн «Фиделиоез» туж но туж тодмо луэ. Пусйыны кулэ, крезьгурчилэн мукет операосыз ӧвӧл, шуыса.
Людвиг ван Бетховен кулӥз 1827 арын 26 южтолэзе, 57 аресказ. Быдӟым крезьгурчиен люкиськыны кызь сюрс пала адями люкаськиз. Сое ватыку Верингской шайвылын Бетховенлэсь яратоно мессазэ Реквием до-минор Луиджи Керубини быдэстӥзы.
Чӧлсконъёс
Тупатыны- ↑ 1,0 1,1 Беетговенъ // Энциклопедический лексикон — СПб.: 1836. — Т. 5. — С. 161-162.
- ↑ Бетховен, Людвиг, Բեթհովեն, Լյուդվիգ // Энциклопедический словарь — СПб.: Брокгауз — Ефрон, 1892. — Т. IIIа. — С. 643-644.
- ↑ Ludwig van Beethoven — 2010.
- ↑ Record #118508288 // Общий нормативный контроль (GND) — 2012—2016.
- ↑ идентификатор BNF: اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
- ↑ Точная дата рождения Бетховена неизвестна. Крещён 17 декабря 1770 г. Согласно устоявшейся точке зрения (основанной на мнении самого Бетховена) днём его рождения считается 16 декабря. См. Thayer’s Life of Beethoven, Vol. 1. Princeton University Press, 1991, P. 53.
- ↑ Л. Кириллина. Людвиг ван Бетховен
- ↑ H. C. Robbins Landon. Beethoven. Macmillan Company, 1970
- ↑ Milton Cross, David Ewen. The Milton Cross New Encyclopedia of the Great Composers and Their Music. Doubleday, 1953. p. 79