Валтӥсь меню усьтыны

Мамонтова, Леонора Викторовна

Леонора Викторовна Мамонтова — балетмейстер, педагог, УАССР-ысь кылык артистка (1976), РСФСР-ысь дано артистка (1987). Вордӥскемын Мускоын 15 декабре 1940-тӥ арын. Артист выжысь потэмын.

Леонора Викторовна Мамонтова
Ужъёсыз:

балетмейстер

Вордӥськон нуналэз:

25-тӥ толсуре 1940(1940-12-25)

Вордӥськон интыез:

Муско, РСФСР, СССР

Кулон нуналэз:

21-тӥ оштолэзе 2014(2014-04-21) (73 аре)

Шимес война вакытэ кык-куинь аресъем нылаш кузесь черодъёсын нянь но пызь понна сылылӥз. Пичи ныллэн чиданэз тырмылиз соку ини. Бертыкуз репродукторысь чузъяськись кырӟанъёсты кылзылӥз но ульча шорын ик эктылӥз. Анаезлэн юн мылкыдыз вал, нылыз балет школаез мед йылпумъялоз шуыса. Озьы ик луиз. 1958-тӥ арын Леонора йылпумъяз Мускоысь хореография училищеез (И. А. Моисеевлэн кивалтэмез улсын калык эктонъёсъя ёзэтсэ). Мускоысь коллективёсы со вакытэ шуг сюрыны вал, соин ик студентъёсты СССР-ысь пӧртэм каръёсы келяло вал. Озьы Леонора Викторовна Иже вуэ.

1964-тӥ арысен ужа «Италмас» ансамбльын. Лирик амалэн валтӥсь партиосты быдэсъя («Гырлыосын эктон» (А.Бондаревлэн пукт.), «Пужыос» (В. Климовлэн пукт.)). Эктонъёсаз удмурт но ӟуч калыкъёслэсь эктон манеръёссэс-сямъёссэс возьматыны тырше.

1965-тӥ арысен «Италмас»-ысь балет группаен кивалтэ. 80-тӥ аръёсы балетмейстер луыса ужа.

Трос аръёс чоже дышетон удысын тырше: дышетскисьёсыз Россиысь пӧртэм театръёсын ужало (Л. Кунакова, Санкт-Петербург, Н. Рогозина, Одесса, но мукетъёсыз).

«Италмас» ансамбль бордын ужась калык эктонъя нылпи школа-студиез (1992) радъя но педагог луыса отын тырше.

Картэныз ӵош, Анатолий Васильевич Мамонтовен, вань улонзэс герӟазы «Италмас» ансамблен. Кык пизы вордӥськиз. Бадӟымез, Виктор, Мускоысь университетэз йылпумъяса, Мускоын ик ужа. Пичиез, Константин, йылпумъяз Ижысь университетэз, улэ но ужа Ижын.