Марисов, Валерий Константинович
Марисов, Валерий Константинович (Вордӥськиз 23 октябре 1915-тӥ арын — Улонысь кошкиз 18 январе 1992-тӥ арын) — советской кун но партийной ужась, КПСС-лэн Удмурт обкомезлэн нырысетӥ секретарез (1963–1985). Социалистической Ужлэн Героез (1982). Пусъемын Ленин нимо куинь медальёсын, Октябрь революцилэн орденэныз, Ужан Горд Знамя кык орденъёсын.
| Валерий Константинович Марисов | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: | |
| Кун: | |
| Кулон нуналыз: |
18-тӥ толшоре 1992 (76 ар) |
| Кулон интыез: | |
Улон сюресэз
ТупатыныВордӥськиз Астрахань городысь заводын ужасьёслэн семьяязы. Ужан сюрессэ кутскиз кочегар луыса. Бӧрысь пароходысь механиклэн юрттӥсез луыса ужаз на.
1940-тӥ арын йылпумъя Горький индустриальной институтэз.
1940-тӥ арысен 1944-тӥ арозь Воткинскысь машиностроительной заводын ужа.
1944-тӥ арысен 1947-тӥ арозь – КГБ-ын.
1947-тӥ арысен партийной уж борды басьтӥськиз.
1949-тӥ арысен 1951-тӥ арозь – Воткинскысь ВКП (б) горкомезлэн кыкетӥ секретарез.
1951-тӥ арысен 1957-тӥ арозь Воткинскысь машиностроительной заводысь ЦК ВКП (б)-лэн парторгез, КПССлэн Удмурт обкомезлэн заведующиез.
1957-тӥ арысен 1961-тӥ арозь – КПСС-лэн Удмурт обкомезлэн секретарез.
1963-тӥ арысен 1985-тӥ арозь – КПСС-лэн Удмурт обкомезлэн нырысетӥ секретарез.
1985-тӥ арысен пенсие потэ.
Удмурт АССР-ысь но СССР-ысь (7-10 созывъёсы) Верховной Советъёсы депутат луыса бырыйлӥськиз. ЦК КПСС-лэн ёзчиез.
В.К.Марисовлэн кивалтэмез улсын ужаны кутскизы выль заводъёс, ӝутиськизы выль улон микрорайонъёс, азинскиз кар инфраструктура. Марисов фамилиен герӟаськемын Ижкарысь тужгес чебер инты – Шор карлуд (Удмурт Республикаысь Кивалтэт Юрт дорысен «Калыкъёс куспын Эшъяськон» монумент дорозь кыстӥськись фонтанной комплексен чеберъям карлуд). Официальной луисьтэм нимыз солэн – «Марисово луд». Та архитектурной ансамблез нимазы В.К. Марисовлэн Удмуртия понна тыршемзэ пусйыса. 2009-тӥ арын 5 ноябре В.К. Марисовлэсь 90 арессэ пусъён юбилейной ужрад ортчиз. Удмурт Республикалэн азинсконаз трос кужымзэ сётэмез понна Валерий Константинович Марисовлы сӥзьыса мемориальной пул шуккемын Пушкинской урамысь 198 номеро юрт вылын. Та коркан со 1953-тӥ арысен улӥз.