Миронов, Александр Сергеевич

Александр Сергеевич Миронов (1905—1931) — удмурт писатель, проза гожъясь.

Александр Сергеевич Миронов
Ужан удысэз:	гожъясьчи
Вордӥськем нуналыз:	27-тӥ толшоре 1905(1905-01-27)
Вордӥськем интыез:	Вӧёгурт, Глаз утем, Ватка губерния
Кулон нуналыз:	8-тӥ инвожое 1931(1931-06-08) (26 арес)
Кулон интыез:	Иж кар, УАО, Нижний Новгород шаер, РСФСР, СССР
Кузпалыз:	Галина Григорьевна Миронова (Микульская)
Нылпиосыз:	Анатолий Александрович Миронов

«Викитекалэн» логотипез

Та авторлэн произведениосыз Викитекаын вань. → Александр Сергеевич Миронов

Улон сюресэз

Александр Миронов 1905-тӥ арын Ватка губерниысь Глаз утемысь Вӧёгуртын вордскем. Глазкарын кык ёзо школаез пырпотыса быдтэ но «Гудыри» газетлэн редакцияз ужаны пыре. 1927-тӥ арын мынэ со Горд армие, ар ӵоже Одесса карын ожгар ужлы дышетске. Армиысь бертыса, нош ужа газет поттон ужын, «Кенеш» журналлэн редакцияз секретарьын но улэ. 1931-тӥ арын ожгар манёврын бырыны шеде.

Творчествоез

Миронов егит писатель вал. Пичиесь веросъёс 1925-тӥ арысен гожъяны кутскиз. Нырысь веросъёсыз улонлэсь воштӥськемзэ выл ласянь гинэ возьмато. 1926-тӥ арын «Гудыръян дыръя» веросэз книгаен потӥз. Ньыль ар ортчыса, вылез «Шунды шорын» книгаез потэ, татын гожтэмез солэн Горд армия сярысь очеркъёс луо.

Литература ужпумын уногес ужамезъя солэн «Дас тямыс» но «Кыдало» веросъёсыз творчество ласянь азинскемзэ адӟыто 1933-тӥ арын, Мироновлэн бырем бераз ини, солэсь та дырозь печатламтэ веросъёссэ «Кыдало» нимо книгаен Удгиз поттӥз на.