Валтӥсь меню усьтыны
Кар
Можга
Герб
Герб

Координатаос: 56°27′00″ у. ш. 52°13′00″ ӵ. д. / 56.45° у. ш. 52.216667° ӵ. д. (G) (O) (Я)56°27′00″ у. ш. 52°13′00″ ӵ. д. / 56.45° у. ш. 52.216667° ӵ. д. (G) (O) (Я)

Шаер Россия
Улос Удмуртия
Йыр Сергей Пантюхин
Кылдытон дыр 1835
Азьвыл нимъёс Сюгинский завод1924-тӥ арозь
Красный1929-тӥ арозь
Территория 30 км²
Шорлэн ӝуждалаез 150 м
Улӥсьёс (2014) 49 841 адями
Часовой пояс UTC+4
Телефон код +7 34139
Почта индексъёс 427789 - 427798
Автомобиль код 18
Официальной сайт mozhga-gov.ru
(ӟуч)

Можга (Удмуртия)
Можга
Можга

Можга — Удмуртиысь кар, Можга ёрослэн центрез, интыяськемын Удмурт шаерлэн лымшор палаз Вало шур дурын.

Интыяськемын Удмуртилэн лымшор-шундыпуксён палаз, Ижен вискыз — 93 иськем. Можга пыр ортче Горький чугун сюрес, озьы ик Муское нуись федеральной сюрес. Можга город пыр ортче Сюга шур — со Вало шурлэн вайяськемез.

Пуштрос

ИсториезТупатон

Нырысьсэ Можга сярысь гожтэмын Ландратской переписьын 1710-тӥ, 1716-тӥ аръёсы.

1754-тӥ арын, татын черк усьтӥськем бере, Можга гурт черкогуртлы пӧрмиз.

Можгалэн историез кутске 1835 аре: соку Алабгоысь купец Фёдор Чернов Сюга шур дурын кылдытӥз Сюгиысь пияла поттон заводэз. Со завод бордын кылдӥз Сюгинской нимо посёлок. 1924 аре посёлоклы выль ним сётэмын вал — Красной, собере 1929 аре Красной посёлок каре пӧрмытэмын вал но выль нимзэ басьтӥз — Можга. Та ним Можга карлы матын сылӥсь Можга черкогуртлэн нимызлэсь басьтэмын вал.

Нырысетӥ пияла продукцизэс — тусьтыоссэс, ӟенеликъёссэс — поттӥзы 1842-тӥ арын. Но соослэн ӟечлыксы улӥын вал. Соин ик Чернов заводэз вузаз мукет узырилы — Лебедевлы.

1892-тӥ арын заводэз валтыны ӧдъяз мукет адями — А. П. Сырнев. Но таиз но кема ужаны уг вутты — сое воштэ С. А. Шишков.

Ӵапак та вакытэ — 1902-тӥ арын — заводэ вуылэ дано гожъясьчи писатель А. Н. Толстой. С. А. Шишков — та гожъяськисьлэн ӵыжы-выжыез — тодматэ Толстоез заводлэн ужан ӧреныз. Ӟеч продукциенызы можгаос вуз карылӥзы Алабгоын, Сызраньын, Самараын, Чистопольын.

1914-тӥ арын Можгаын лэсьтыны кутскизы Кузон Казань-Екатеринбург чугун сюрес. Со юрттӥз черкогуртлэсь экономиказэ ӝутыны, азьланьтыны.

3-тӥ апреле 1924-тӥ арын та каргуртлы посёлоклы Красный ним сётӥзы. 1929-тӥ арын сое Можгалы воштӥзы. Нош 1963-тӥ арын со лыдъяськыны кутскиз Удмуртилэн карэныз городэныз.

1954-тӥ арын Можгаын нырысьсэ пуктэмын вал 2 этажъем улон корка. 1969-тӥ арын карлэн городлэн кылдӥзы ёросъёсыз — лымшор но уйпал. Соку ик пуктӥзы кунокуа гостиница, вузкаронниос магазинъёс.

ЭкономикаезТупатон

Можга карын городын поттон удыс промышленность удысын трос гинэ огазеяськонъёс тыршо. Кылсярысь, «Дубитель», «Редуктор», «Можгинский конденсатор», «Авторемзавод «Можгинский», «Свет», «Можгинский лесокомбинат» но трос мукет.

Дышетон учреждениосТупатон

Карын Городын ог дасо школаос вань, 3 дышетон ужъюртъёс учреждениос — Можга педколледж (1922), Ветеринария колледж (1929), Медучилище (1933), 2 ПТУ, музей, 5 лулчеберетъя культурая юрт, «Спутник» киноюрт но мукет.

УлӥсьёсТупатон

Улӥсез — 48,3 сюрс адями: ӟучъёс — 54,2%, удмуртъёс — 27,8%, бигеръёс — 14,9%, музон калыкъёс — 3,2 %.[1]

ВалэктонъёсТупатон

ЧӧлсконъёсТупатон