Можга

Можга — Удмуртиысь кар, Можга ёрослэн центрез, интыяськемын Удмурт шаерлэн лымшор палаз Вало шур дурын.

Кар Можга Можгалэн гербезГерб 56°27′ с. ш. 52°13′ в. д. Шаер Россия Улос Удмуртия Йыр Михаил Трофимов Кылдытон дыр 1835 ар Азьвыл нимъёс Сюгинский завод — 1924-тӥ арозь Красный — 1929-тӥ арозь Территория 31 км² Шорлэн ӝуждалаез 150 м Улӥсьёс (2021) 48 750 адями Часовой пояс UTC+4 Телефон код +7 34139 Почта индексъёс 427789 - 427798 Автомобиль код 18 Официальной сайт mozhga-gov.ru (ӟуч)

Можга

Можга ВикиCommons-ын

Интыяськемын Удмуртилэн лымшор-шундыпуксён палаз, Ижен вискыз — 93 иськем. Можга пыр ортче Горький чугун сюрес, озьы ик Муское нуись федеральной сюрес (Р320). Можга город пыр ортче Сюгы шур — со Вало шурлэн вайяськемез.

Историез

Нырысьсэ Можга сярысь гожтэмын Ландратской переписьын 1710-тӥ, 1716-тӥ аръёсы.

1754-тӥ арын, татын черк усьтӥськем бере, Можга гурт черкогуртлы пӧрмиз.

Можгалэн историез кутске 1835 аре: соку Алабгоысь купец Фёдор Чернов Сюгы шур дурын кылдытӥз Сюгиысь пияла поттон заводэз. Со завод бордын кылдӥз Сюгинской нимо посёлок. 1924 аре посёлоклы выль ним сётэмын вал — Красной, собере 1929 аре Красной посёлок каре пӧрмытэмын вал но выль нимзэ басьтӥз — Можга. Та ним Можга карлы матын сылӥсь Можга черкогуртлэн нимызлэсь басьтэмын вал.

Нырысетӥ пияла продукцизэс — тусьтыоссэс, ӟенеликъёссэс — поттӥзы 1842-тӥ арын. Но соослэн ӟечлыксы улӥын вал. Соин ик Чернов заводэз вузаз мукет узырилы — Лебедевлы.

1892-тӥ арын заводэз валтыны ӧдъяз мукет адями — А. П. Сырнев. Но таиз но кема ужаны уг вутты — сое воштэ С. А. Шишков.

Ӵапак та вакытэ — 1902-тӥ арын — заводэ вуылэ дано гожъясьчи писатель А. Н. Толстой. С. А. Шишков — та гожъяськисьлэн ӵыжы-выжыез — тодматэ Толстоез заводлэн ужан ӧреныз. Ӟеч продукциенызы можгаос вуз карылӥзы Алабгоын, Сызраньын, Самараын, Чистопольын.

1914-тӥ арын Можгаын лэсьтыны кутскизы Кузон Казань—Екатеринбург чугун сюрес. Со юрттӥз черкогуртлэсь экономиказэ ӝутыны, азьланьтыны.

3-тӥ апреле 1924-тӥ арын та посёлоклы Красный ним сётӥзы. 1929-тӥ арын сое Можгалы воштӥзы. Нош 1963-тӥ арын со лыдъяськыны кутскиз Удмуртилэн городэныз.

1954-тӥ арын Можгаын нырысьсэ пуктэмын вал 2 этажъем улон корка. 1969-тӥ арын карлэн городлэн кылдӥзы ёросъёсыз — лымшор но уйпал. Соку ик пуктӥзы кунокуа гостиница, вузкаронниос магазинъёс.

Экономикаез

Можга карын городын поттон удыс промышленность удысын трос гинэ огазеяськонъёс тыршо. Кылсярысь, «Дубитель», «Редуктор», «Можгинский конденсатор», «Авторемзавод «Можгинский», «Свет», «Можгинский лесокомбинат» но трос мукет.

Дышетон учреждениос

Городын ог дасо школаос вань, 3 дышетон ужъюртъёс учреждениос — Можга педколледж (1922), Ветеринария колледж (1929), Медучилище (1933), 2 ПТУ, музей, 5 лулчеберетъя культурая юрт, «Спутник» киноюрт но мукет.

Улӥсьёс

Улӥсез — 48,3 сюрс адями: ӟучъёс — 54,2%, удмуртъёс — 27,8%, бигеръёс — 14,9%, музон калыкъёс — 3,2 %.

Чӧлсконъёс

• Можгалэн гербез (ӟуч)