Мустаев, Александр Гаевич
Александр Гаевич Мустаев (вордӥськиз 15 июне 1954-тӥ арын Ижкарын) — актёр, УАССР-ысь дано артист (1982), УАССР-ысь калык артист (1990), Российской Федерациысь дано артист (1996), Удмурт Республикаысь мунё кун театрлэн директорез.
| Александр Гаевич Мустаев | |
| Ужан удысэз: |
актёр |
|---|---|
| Вордӥськем нуналыз: |
15-тӥ инвожое 1954 (70 арес) |
| Вордӥськем интыез: | |
Улон сюресэз
ТупатыныУдмурт Республикаысь мунё кун театрын Александр Гаевич школаез йылпумъямез бере ик 1971-тӥ арысен ужаны кутскиз. 1972-тӥ арын егит муртэз Ленинградысь Театръя, Крезьгуръя но Кинематографияя кун институтэ дышетскыны ысто. Йылпумьяса та дышетсконниез, берен Удмуртие лыктэ. А. Г. Мустаев Мунё театрлэн репертуараз 80 пала рольёсын шудыны кутске. Быгатонлыкъёссэ тросэз критикъёс но кивалтӥсьёс пусъё. Соин ик толло студентлы кышкатэк валтӥсь рольёсты шудыны луонлык сёто. Соос пӧлын — Югдытӥсь «Божественная комедия» спектакльын, Пугало «Аистенок и Пугало» спектакльын, Папа Карло «Буратино» спектакльын, Герберт «Опять они поют» спектакльын, Пер Гюнт «Пер Гюнт» спектакльын. Берпуметӥ рольёсыз — Кылбурчи «Поэт, или разговор с собственным чертом» спектакльын, Ягужинский «Шут Балакирево» спектакльын, Поприщин «Записки сумасшедшего» моноспектакльын, Андрей «Старомодных чудесах» спектакльын.
Александр Гаевич мур но яркыт котькуд персонажлэсь сямзэ но образзэ возьматыны быгатэ. Поприщин ролез шудэмез Удмурт Республикаысь театрлэн улоназ бадӟым событиен пусъемын вал.
Шудэм рольёсыз понна А. Г. Мустаев пӧртэм фестивальёсын дипломъёсын пусъемын: IX-тӥ Уралысь но Приволжьеысь мунё театръёслэн фестивальзы г. (Пермь, 2003 ар); I-тӥ «Соломенный жаворонок» фестиваль (Челябинск, 2006 ар); «Театральная весна Удмуртии» (Ижкар, 2006 ар). Лауреат диплом сётэмын Ужгород, Челябинск, Рязань но мукет городъёсын радъяськись фестивальёсы пыриськемез понна.
Александр Гаевич — аспӧртэмлыко куараен адями, кудӥз аслэсьтыз Инкуазен сётэм быгатонлыкъёссэ учкисьлы кузьма, озьы ик дышетэ егит актёръёслэсь но студентъёслэсь, юрттэ талантсэс кыре поттыны но солы азинскон сётыны. Удмуртиысь культурая училищеын но Удмурт кун университетын кыл техникая лекциос лыдӟе.