Пчеловодова, Надежда Алексеевна
Надежда Алексеевна Пчеловодова (литератураын псевдонимез Муш Нади) — удмурт кылбурчи, кылысь кылэ берыктӥсь.
| Надежда Алексеевна Пчеловодова | |
 | |
| Ужан удысэз: | |
|---|---|
| Вордӥськем нуналыз: |
11-тӥ шуркынмонэ 1976[1] (48 ар) |
| Вордӥськем интыез: |
Алнаш ёрос, Удмурт Автономной Советской Социалистической Республика, РСФСР, СССР |
| Кун: | |
Биографиез
ТупатыныНадежда Пчеловодова вордскиз 1976-тӥ арын 11-тӥ ноябре УАССР-ысь Алнаш ёросын, Кадик гуртын.
1993-тӥ арын со дышетскыны пыре Удмурт кун университетлэн удмурт филологияя факультетаз. Дышетскон дыръяз финн кылэз дышетыны ветлӥз Мордовилэн шоркараз, Саранске, гужем лагере. «Шунды» огазеяськонысь эшъёсыныз ӵош Сыктывкаре но вуылӥз. 1998-тӥ арын тулыс пал, дышетсконзэ йылпумъямезлэсь азьло ик, шаерысьтымы Йӧскалык библиотекае ужаны вуиз. Дипломзэ утиз, ужысьтыз куриськыса. Вить ар ужаз шаертодонъя но финн-угор литературая ёзэтын.
2002-тӥ арын Иж карын ортчиз Финн-угор гожъяськисьёслэн калыккуспо конгрессы. Со кутскиз Йӧскалык библиотекаын. Отчы пӧртэм кунъёсысь гожъясьёс лыктӥзы. Надя но конгресслэн ужаз пыриськиз. Конгресслэсь оглюкетсэ Арво Валтон нуиз. Соин тодматскемез бере кусыпсы ӧз ышы ни.
2003-тӥ арын Нади Муш Эстоние кошкиз Таллиннысь университетын эстон кыллы но кылысь кылэ берыктон ужлы дышетскыны. 2009-тӥ арын отысь магистратураез йылпумъяса, докторантурае пыриз.
2013-тӥ арын Надежда Пчеловодова Эстониысь гожъяськисьёслэн союзазы пыртэмын.
Али улэ но ужа Эстониын. «Ошмес» удмурт огазеяськонлэн ужаназ пыриське.
Наградаосыз но премиосыз
Тупатыны2007-тӥ арын Нади Мушлэн литература удысын ужъёсыз Эстон литературной премиен пусъемын вал. Озьы ик 2016-тӥ арын сое Тӧдьы Кизили орденэн пусйизы.