Уткина, Надежда Эдуардовна

Надежда Эдуардовна Уткина
	Надежда Эдуардовна Уткина
Ужан удысэз:	кырӟась
Вордӥськем нуналыз:	24-тӥ куарусёнэ 1966 (58 арес)
Вордӥськем интыез:	Ижкар, УАССР, СССР
Кун:	СССР; Россия

Надежда Эдуардовна Уткина — Удмурт Элькунысь дано кырӟась, калык артистка, «Культурный капитал Ижевска» фондлэн тӧроез (2006)^[1], «ПарИжевск» калыккуспо фестивальлэн координаторез (2011), «ИжЖенева» калыккуспо проектлэн кичӧлтӥсез^[2], Удмурт Элькунлэн чеберлыкъя посолэз (2019), Ашальчи Оки нимо премилэн лауреатэз (2010)^[3].

Улон сюресэз

Надежда Эдуардовна вордӥськиз 24 куарусёнэ 1966 арын Ижкарын. 1988 арын йылпумъяз Удмурт кун университетысь кылосбуръя ёзэтсэ, 2005 арын — ГИТИС-ысь эстрадая ёзэтэз.

2014 арысен улэ Швейцариын, ӵемысь вуылэ Россие.

Творчествоез (удысбурез)

Надежда Уткиналэн репертуараз удмурт но ӟуч кылын, финн-угор калык кырӟанъёс вань. Кырӟа пӧртэм кылъёсын.

Кырӟан карьераез кутскиз 1991 арын — А. Анкудиновлэн «Арганчи» театр-студияз огез кырӟасез луыса, бергес «Лулгур» ансамблен кивалтыны кутскиз. Трос аръёс ӵоже кырӟалляз Венгриын, Эстониын, Финляндиын, Уэльсын, Норвегиын, Коми, Мордовия, Марий Эл, Татарстан но Башкортостан шаеръёсын, Перм улосвылын, Москваын, Ульяновскын, Саранскын но Пензаын.

Надежда Уткина 5 альбом поттӥз: «Песни надежды»(1995), «Витьы монэ (1997)», «UDM.RU» (2002), «UCHKE ALI»(2004).

Трос аръёс ӵоже Удмурт егитъёслэн мерлыко «Шунды» огазеяськонлэн «Шундыкарысь» нылпиослы кылдытэм эстрадая мастерскойен кивалтӥз.

2008 арысен — «Калыкъёслэн эшъяськон юртсылэн» калыккуспо но финн-угор валчеужанъёсъя ёзэсэныз кивалтӥз, Иж карысь «Межкультурные города» ужан котретлэн ёзчиез вал.

Валэктонъёс

[1] Надежда удмуртской эстрады. Анна Вардугина

[2] Ижевчанка, живущая на две страны: «Даже в Швейцарии я пою». Валерия Шаньгина, Светлана Сырыгина

[3] Надежда Уткина: «Удмуртская женщина — это семикратное терпение». Татьяна Снегирёва

[1]

[2]

[3]