Валтӥсь меню усьтыны

Насибуллин, Риф Шакрисламович

удмурт кылчи, диалектология но кылтодон география удысысь специалист

Риф Шакрисла́мович Насибу́ллин(15 октябрь 1936-тӥ ар, д.Четырман, Янаул ёрос, БАССР) — тодмо удмурт кылчи, диалектология но кылтодон география удысысь специалист, Удмурт кун университетысь математической кылтодонъя лабораториен кивалтӥсь, филологи наукаосъя доктор, профессор, Удмурт кун университетысь Гуманитарной технологиосъя финн-угор научно-образовательной центрысь лингвистической картографирования но исторической лексикология лабоараторилэн кивалтӥсез, 300 ятыр статьяослэн авторез. Россиысь нырысетӥ электронно-цифровой диалектологической атласлэн кылдытисез. Улэ но ужа Ижын.

Риф Шакрисламович Насибуллин
Rif Nasibullin.jpg
Ужъёсыз:

диалектолог[d]

Вордӥськон нуналэз:

15-тӥ коньывуонэ 1936({{padleft:1936|4|0}}-{{padleft:10|2|0}}-{{padleft:15|2|0}}) (82 ар)

Вордӥськон интыез:

Четырман[d], Ямадинский сельсовет[d], Янаульский район[d], Башкирская Автономная Советская Социалистическая Республика[d], РСФСР, СССР

Кун:

Flag of the Soviet Union.svg СССР
Flag of Russia.svg Россия

Улон сюресэзТупатон

Вордӥськиз Башкириысь Янаул ёросысь Четырман гуртын. Покчи классъёсын тодон-валанъёсты басьтӥз удмурт кылын, 5-7 классъёсын – бигер кылын, 8-10 классъёсын – ӟуч кылын.

1960-тӥ арын Бирскысь педагогической кун инситутэз йылпумъямез бере, ужаны интыяськиз Башкириысь Татышлы ёросысь районной газетэ бигер кылысь удмурт кылэ берыктӥсь луыса.

1961-1968-тӥ аръёсы ӟуч, удмурт но немец кылъя дышетӥсь луыса Янаул но Калтасы ёросъёсысь школаосын ужаз. Башкириысь удмурт вераськетъёсъя фольклор материалэз бичаз, кыллюкам радъяз, кудӥз Риф Шакрисламовичлы наукае сюрес усьтӥз.

Т.И. Тепляшиналэн но В.И. Алатыревлэн дэмламъёсызъя Ижкаре вуэ, аспирантурае пырыны дасяське. Ужа «Дась лу!» газетын.

1969-1972-тӥ арёсы В.И. Лыткинлэн кивалтэмез улсын Мускоысь Кылтодонъя институтын аспирантураын дышетске.

1972–1983-тӥ аръёсы Удмуртиысь кылъя НИИын тырше.

1983-тӥ арысен Удмурт кун университетысь археологъёслэн научной лабораторияз, Р.Д. Голдиналэн кивалтэмез улсын ужа.

1992-тӥ арысен кивалтэ УдГУ-ысь лингвистикая лабораториен. Кема дыр ӵоже люкам материалъёссэ радъяны кутске Удмурт кылья Диалектической Атласэ.

1999-тӥ арын филологи наукаосъя доктор луэ.

Солэн кивалтэмез улсын Кузебай Гердлэн творчествоез математической методэн эскеремын вал. Пумозяз ӝоген вуттэмын луоз удмурт филологиын нырысетӥ Частотной словарь.

Тодос дуннеын Риф Шакрисламовичез удмурт диалектъёсты эскерисен тодо. 2009-тӥ арын куартолэзе Р.Ш. Насибуллинлэн лабораториез поттэ трос томъем Удмурт кыллэн диалектологической атласэзлэсь нырысетӥ книгазэ. Кыкетӥез книга потэмын 2011 арын.

ЧӧлсконъёсТупатон