Епископ Палла́дий (в миру Пётр Алекса́ндрович Шиман; 15 октябре 1939 — 7 коньывуонэ (октябре) 2000) — Ижысь но Удмуртиысь епископ (1988—1993).

Палладий
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 15-тӥ шуркынмонэ 1939({{padleft:1939|4|0}}-{{padleft:11|2|0}}-{{padleft:15|2|0}})
Вордӥськем интыез: Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value).
Кулон нуналыз: 7-тӥ коньывуонэ 2000({{padleft:2000|4|0}}-{{padleft:10|2|0}}-{{padleft:7|2|0}}) (60 лет)
Кулон интыез: Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value).

Биография Тупатыны

Вуоно епископ Палладий вордскемын 1939 аре 15 октябре Белоруссиын, Витебск улосын, Дисна карын Ӟуч православи черкысь священниклэн Александр Шиманлэн семьяяз. Соин ик, дыр, солэн вань улонэз герӟаськемын вал черклы служить каронэн. Школаез быдтӥз 1957 аре, собере Гродноысь медициная техникуме дышетскыны пыриз. Ар отчыса, Пётр отысь кошке но пыре Минскысь духовной семинарие. 1962 аре, семинариез быдтэм бераз ик, Пётр Шиман пыре Мускоысь духовной академие. 1966 аре со быдтӥз академиез но богословиея кандидат луэ (диссертациезлэн темаез вал «Учение о Церкви христианских писателей доникейского периода»). Академилэн дышетон кенешлэн пуктэмезъя, Пётр академия бордын аспирант луыса кельтэмын вал. Со аре ик Пётр монахе кошке: 13 мае Троице-Сергиева лавраын, Троицкой соборын лавралэн наместникез архимандрит Платон солэсь йырсизэ ӵышкиз но, Еленопольысь епископез Палладиез буре вайыса, солы выль ним сётӥз — Палладий.

1966 аре ик (22 мае) Ленинградысь но Новгородысь митрополит Никодим Палладий монахез иеродиаконэ пуктӥз; 1967 аре 8 октябре со ик Палладиез иеромонахе пуктӥз но. 1969 аре, аспирантуразэ быдтэм бераз, Палладий иеромонахез Одессаысь духовной семинарие служить карыны ысто. Отын со луэ семинарилэн кенешезлэн секретарез, уно аръёс ӵоже лыдӟе священной библейской историяя но ӵошатон богословиея курсъёсты. 1971 аре иеромонах Палладий игумен луиз. 1978 аре Палладий архимандрит санэз басьтӥз но семинарилэн инспекторез луиз. 1987 аре 7-8 феврале Палладий Киевын епископе пуктэмын вал но Переяславль-Хмельницкий епархиен кивалтыны пуктэмын вал (огдыре со луиз Киевысь митрополилэн викариез).

1988 аре выльысь кылдытэмын вал Ижысь но Удмуртиысь епархия. Солэн нырысетӥ епископ луиз (30 ноябре) владыка Палладий. Иже вуыса, Палладий мылысь-кыдысь басьтӥське черк улонэз ладъян уж борды. Палладий дыръя черклы берен сётэмын вал Ижысь Александр Невскийлэн соборезлэн азьвыл юртэз. Палладий ӵемысь печатласькиз интыысь прессаын. Озьы ке но, патриархие туж уно ӝожтӥськонъёс вуыны кутскиллям. 1992 аре июле Палладилэн епархиезлы Муско улосысь Одинцово ёросын интыяськем тазалыкез юнматонъя комплексэз (азьвыл со Россельхозмашлэн собственностез вал) остаточной шуэм стоимостья басьтыны луонлык сётэмын вал. Та комплексэн кивалтон вылысь кылдытэмын вал ТОО «Палладион». Солэн учредительёсыз пӧлын Палладий но куд-ог частной фирмаос вылӥллям. Шуркынмон (ноябрь) толэзе Палладий шӧдтэк шорысь учредительёсыз пӧлысь кошкиз но епархилэсь собственностья правооссэ мукет учредительёслы кузьмаз. Со сярысь тодыса, Роскомимущество Россиысь президентлы вазиськиз, та комплексэз ТОО «Палладионлэсь» таланы курыса (озьы ик лэстэмын вал). Югдурез эскерон вылысь Священной Синод 1993 аре 22-23 феврале ортчытэм кенешоназ Иже ревизионной комиссиез ыстыны пуктэм (Калугаысь но Боровскысь архиепископ Климент но Тамбовысь но Мичуринскысь архиепископ Евгений). 1993 аре 22-тӥ мартэ Палладий Иж но Удмуртия епархиен кивалтонлэсь мозмытэмын вал но штат сьӧры ыстэмын вал. 1994 аре 21 апреле Палладиез ысто, 1988 аре выллем ик, алигес гинэ кылдытэм епархиен — Чита но Байкал сьӧр епархиен — кивалтыны. Отын со умой радъяны быгатӥз епархилэсь миссионер ужзэ но финансово-экономической югдурзэ. 1996 аре 11 ноябре сое Читаысь епископ луыса служить каремысь мозмыто но «чалмыт улонэ» кошкыто. Епископ Палладий кулэмын 2000 аре.

Чӧлсконъёс Тупатыны