Ашальчи Оки:версиослэн висъяськемзы

'''Акилина Григорьевна Векшина''' (''литература удысын уже кутоно кушем нимыз'' '''Ашальчи́ Оки́''') — тодмо удмурт кылбурчи, гожъяськись но эмъясь. [[Ашальчи]] — сяськалэсь нимзэ псевдоним.

 

Нырысь-валысь дышетскиз гуртысьтызы 2 классъем школаын. Собере выжиз Марийской АССР-ысь [[Карлыган]] черкогуртэ. Тае йылпумъямез бере дышетӥсь луиз (Окилы соку 16 арес гинэ вал). 1919-тӥ арын дышетсконзэ азьланьтӥз Казаньысь рабфакын. Бырйиз эмъясьлэсь удыссэ. 1928-тӥ арозь тыршиз син эмъясь луыса. Уно калыкез утиз синтэм кылёнлэсь. Трахома висёнэн ӟеч-ӟеч нюръяськемез понна басьтӥз Удмурт АССР-ысь дано врачлэсь нимзэ. Быдӟым война дыръя Оки хирург кариськиз. Ож йылпумъяськем бере ужаз [[Алнаш|Алнаш черкогуртысь]] больницаын. Акилина Векшина — [[Удмуртия|УАССР]]-ысь дано эмъясь.

 

Кулӥз [[1973]] аре [[31 октябрь|31 коньывуонэ]] [[Алнаш]]ын. Алнаш черкогуртын усьтэмын быдӟым кылбурчилы сӥзем музей.

 

Ашальчи Оки – удмурт калыклэн яратоно кылбурчиез. Кылбуръёсыз пӧлысь куд-огез пӧрмытэмын кырӟанлы, соосты али но яратыса кырӟало. Печатласькыны 1918 арысен кутскиз «[[Гудыри]]» но «[[Виль синь]]» газетъёсын. [[1928]] аре солэн кык книгаез потэ: «Сюрес дурын» удмурт кылын но «О чём поёт вотячка» ӟуч кылын (та книгалы кылбуръёссэ берыктӥз но дасяз [[Кузебай Герд]]), «Мар тодӥз тракома сярысь Карпа агай» (1930) но «Мон тодам вайисько» (1968). Со сяна, Ашальчи кӧня ке туж устоесь очеркъёс но гожтӥз. Ашальчи Оки нылпиослы сӥзьыса но кылбуръёс, очеркъёс, веросъёс пӧрмытъяз. Но калыклы усьтӥськиз кылбуръёсыныз - лирической героез мур пуштросъем, малпаськонэ выйытӥсь.

Лина Григорьевна улонысь кошкем бере эшшо куать бичет печатласькемын вал.

Акилина Григорьевналэн ужъёсыз пӧртэм кунсьӧр кылъёсы берыктэмын. Франциысь кылысь кылэ берыктӥсь [[Моро, Жан-Люк|Жан-Люк Моро]] гожтэ: «Ашальчи Окилэн кылбуръёсыз туж ненегесь, кышномурт кадесь». Ашальчи Окилэн француз кылэ берыктэм кылбуръёсыз кырӟанъёслы пӧрмизы ни.

 

 

* [http://www.museum.ru/M1822 Литературный дом-музей Ашальчи Оки]