Байтеряков, Николай Семёнович:версиослэн висъяськемзы

'''Николай Семёнович Байтеряков''' — тодмо удмурт кылбурчи. Вордӥськиз 9-тӥ гудырикошконэ [[1923-тӥ ар]]ын [[Алнаш ёрос]]ысь [[Ӟатча]] черкогуртын. [[1938-тӥ ар]]ын тодон-валанзэ муромытыны пыриз [[Можгаысь педтехникуме|Можгаысь педтехникум]]е. Но висеменыз сэрен дышетсконзэ йылозяз-пумозяз вуттыны ӧз быгаты. Нырысь ужаз гуртысьтыз колхозын, бӧрысь [[Сарапул]]ысь кирпич поттонъя заводын, [[Ува]] - [[Кильмезь]] чугун сюрес лэсьтонын. 1942-тӥ-1944-тӥ аръёсы ожмаськиз Кыкетӥ Бадӟым дунне ожын, вал танкист, миномётчик. Данъямын Горд Кизили, II степенё Отечественной война орденъёсын, "За отвагу" медален. Ож бере дышетскиз Ярославльысь военно-политехнической училищеын. Та бӧрсьы вамыштӥз Ижысь областной партийной школае, собере - [[СССР-ысь Писательёслэн Союззы]]лэн вылӥ литературая курсъёсазы. [[1974-тӥ ар]]ысен рос-прос кырмиське литература удыс борды. ▼

Кылбур дуннее кыстӥськон мылкыдыз ӝутӥськиз, [[Можга]]ын дышетскыкуз. Нырысетӥ кылбурзэ - «Тямыс март» - печталаз [[Ӟечбур! (газет)|«Дась лу!»]] газетын. Нош [[1953-тӥ ар]]ын потӥз нырысетӥез книгаез - «Кылбуръёс», [[1992-тӥ ар]]ын кыкетӥез - «Луысал ке ваньзэ вераме». Чуръёссэ [[ӟуч кыл]]э берыктыса, вордӥсько «Вдоль серебряной Варзи», "Черёмуха в цвету", "Над родником" книгаосыз.▼

Автор улэп дыръя лыдӟисьёс кие вуиз солэн 11 кылбур бичетэз. [[2003-тӥ ар]]ын ӟуч но удмурт кылбуръёсыныз потӥз "Жин азвесь крезьгурен - Серебряная мелодия" книгаез. Николай Семёновичлэсь чуръёссэ ӟуч кылэ берыктылӥзы [[Семакин, Владимир Кузьмич|В. Семакин]], [[Поскрёбышев, Олег Алекссевич|О. Поскрёбышев]], [[Емельянов, Владимир Иванович|В. Емельянов]] но мукетъёсыз. Пусъёно: кылбуръёсыз 25 пӧртэм кунсьӧр кылъёсы берыктэмын! Ужъёсыз печатласькизы литературалы сӥзем журналъёсын - "Нева", "Дружба народов", "Волга", "Урал", "Наш современник", "Полымя". "Эштэрек" поэмазэ лыдӟыны быгатӥзы Венгриын улӥсьёс но.▼

Николай Байтеряковлэн кылбуръёсаз историысь учыръёс выль сямен вордӥсько кадь, мур шӧдӥсько лирической геройлэн пуш малпанъёсыз, сюлмаськонъёсыз. Кылсярысь, "Солдатъёс ке кошко" поэмаяз котькудӥз сямен герой яркыт но син азе пуктымон возьматэмын. Автор ужъёсаз пыртэ вордскем палъёсызлы синмаськем мылкыдзэ но. Та сяна, "Азвесь лодка", "Вуюись", "Мӧзмон сярысь" кылбуръёссэ лыдӟыса, шӧдыны луэ Байтеряковлэсь мӧзмонзэ, лапкам мылкыдзэ.▼

[[1970-тӥ ар]]ын Байтеряков басьтӥське нылпиослы веросъёс гожъян борды. Куд-ог ужъёсыз печатласькизы «Марӟан», «Куинь кызьпуос улын», «Сьӧд валъёс» бичетъёсын. "Крезь бурд вылын" но "Кылбуръёс. Поэма" книгаосыз понна Николай Байтеряковлы сётэмын Удмурт АССР-ысь кун премия. Нош [[1986-тӥ ар]]ын луиз Удмуртиысь калык поэт. ▼