Minecraft

Minecraft (англ. mine «шахта» но craft «ӧнер» кылъёсысь) — луоен шудон ӧрын видео-шудон, Швециысь програмистэн Маркус Перссонэн кылдытэм но Mojang-ен 2011 арын поттэм. Сое Microsoft 2014 арын басьтӥз. Minecraft — вань дырысь тужгес но ӟеч басьтӥськись видео-шудон, кудӥзлэн 180 миллион копия, вань платформаосты лыдэ басьтыса, вузамын вал 2019 арлэн пумаз. Шудонэзлэн 112 миллионлэсь трос толэзья сэзь шудӥсь.

Minecraft
Кылдытӥсез	Mojang
Поттӥсьёсыз	Mojang Microsoft Studios Sony Computer Entertainment
Лэсьтисьёсз	Маркус Перссон (2009—2011) Йенс Бергенстен (2011 арысен)
Суредасьёсыз	Хенрик Петтерссон, Маркус Тойвонен, Кристофер Зеттерстранд
Крезьгурчиез	C418
Нырысетӥ поттонэз	18 шуркынмон 2011 арын
Ӧръёсыз	Луоен шудон, улэп кылён
Чаклэтъёсыз	Одӥг-шудӥсё, трос-шудӥсё

Minecraft-ын шудӥсьёс блоко, пикселъёсын, процедурен кылдытэм 3D дуннеез эскеро но чаклэтъя лэсьтымтэ материал поттыны, тӥрлык лэсьтыны, юртъер пуктыны, мукет шудӥсьёсын огазеяськыны яке ӵошатскыны быгато. Чаклэтъёсыз пӧлын улэп кылён чаклэт, кудаз шудӥсьлы дуннеез лэсьтэмез но тазалыксэ воземез понна ванёс люкано, но креатив, кудӥзъя шудӥсьёслэн бырымтэ ванёс вань. Java Edition-ын шудӥсьёслэн выль шудон сюрес, арбери, пуштрос ватсась мод пуктэмзы луэ.