Глаз:версиослэн висъяськемзы

Пушкесэз ӵушемын Пушкесэз ватсамын
ч-п робот ватсаз: war:Glazov
Denis (вераськон | Ваёсъёс)
Тупатонлэн валэктонэз ӧвӧл
1-тӥ чур:
'''Глаз''' – [[Удмуртия|Удмуртилэн]] уй палаз интыяськем кар. Ӵемысь сое шуо «Удмуртилэн уйпал шоркарез».
 
Выжыяськемын [[Ижкарлэсь|Ижкар]]лэсь 180 километрлы палэнэ - [[Чупчи|Чупчи]] шурлэн паллян ярдур котыраз.
 
Городлэн тужгес вылӥ интыез - [[Солдырь|Солдырь]] гурезь. Отысен быдэс Глазкар кырым пыдэсын кадь адске: шундыпуксёнысен шундыӝужан палозь кыстӥське ог 14 километр, нош лымшорысен уйпалозь - 5 километр. Городлэн быдӟалаез - 6 сюрс 916 гектар.
 
2009-тӥ арын ортчытэм лыдъян-чотанъя Глазкарын ваньмыз-ӧвӧлэз улӥсез 105,9 сюрс мурт. Пӧлысьтызы ӟучъёс - 55,4%, удмуртъёс - 36,4%, бигеръёс - 4,6%, музон калыкъёс - 3,6%.
 
Городлы Глаз ним сётон пумысен куинь малпан вань. Нырысетӥез герӟаськемын та палъёслэн выро-гопо музъеменызы. Солдырь гурезе тубыса Глазкарез учконо ке, со укша, пе, бадӟым синлы.
 
Кыкетӥез малпан: городлы ним сётӥз императрица [[Екатерина II|Екатерина II]] - Глазкарлэсь туссэ бумага вылэ суредаллям но та кышномуртлы возьматӥллям. Екатерина II-лы со синлы укша кадь потэм.
Куинетӥяз мадёсын вераськон мынэ кыӵе ке [[Сингурт|Сингурт]] сярысь. Но тодосчиос пусъё: удмуртъёс, пе, Глазовез ноку но удмурт кылэ ӧз берыктылэ. Соин ик “Сингурт” - со вашкала дауръёсысь кылем мар ке ӧвӧл, шаерчиослэн малпамзы гинэ.
 
Глазкар сярысь нырысьсэ гожтэмын 1678-тӥ арын переписьлы сӥзем ӟуч книгаын. Нош соку переписчикъёс удмурт гурт нимъёсты ноку но ӟуч кылэ ӧз берыктылэ: я удмурт нимзэ, я ӟучез вань ке - ӟучсэ, я гуртэз кылдытӥсьлэсь нимзэ гожъяллязы. Ӵапак та переписьын ик пусъемын: Глазкарез кылдытӥз Глазов фамилиен воргорон.
 
Починкаез, аръёс ортчемъя со Глазкарлы пӧрмиз ини, кылдытӥзы [[Горд Слудка|Горд Слудка]] гуртысь потэм удмуртъёс 1670-тӥ арын. Отын черк ӝутэмзы бере починка Глазов черкогуртлы пӧрмиз. 1780-тӥ арын императрицалэн Екатерина II-лэн указэзъя Глазкарлы городлэсь статуссэ но гербзэ юнматӥзы. Озьы со [[Глазовской уездлэн|Глазовской уезд]]лэн шорсюлмыз луиз.
 
1804-тӥ арысен городлы выль кильтро коркаос пуктылыны ӧдъяз [[Санкт-Петербургысь|Санкт-Петербург]]ысь архитектор [[Иван Лем|Иван Лем]]. 1898-тӥ арысен город пыр лэсьтыны кутскизы [[Транссибирской чугун сюрес|Транссибирской чугун сюрес]].
 
==Линкъёс==
«https://udm.wikipedia.org/wiki/Глаз»-ысь басьтэмын