Майер, Вильгельм Евгеньевич:версиослэн висъяськемзы

Пушкесэз ӵушемын Пушкесэз ватсамын
1-тӥ чур:
'''Вильгельм (Василий) Евгеньевич Майер''' - история наукаосъя доктор, профессор. Удмуртиысь дано но визьмо адямиос пӧлысь тужгес но яркытэз.
 
Вильгельм Майер вордӥськиз 1918-тӥ арын Высокополье черкогуртын, [[Херсон|Херсон]] город котырысь немец колониын. 1937-тӥ арын Запорожьеысь шор ёзо школаез йылпумъяса, Вильгельм Майер дышетскыны пыриз страналэн валтӥз дышетсконнияз - [[Москва|Москваысь]] [[М. В. Ломоносов|М. В. Ломоносов]] нимо кун университетэ. Но диплом басьтытозяз, вить ар гинэ ӧз ортчы, угось Быдӟым Отечественной ож кутскем бере Вильгельм вамыштӥз фронтэ. Но отын солы рос-прос ожмаськыны ӧз кылды, сое ыстӥзы Удмуртие. Кин луыса но ӧз тыршы со Удмурт шаерын! Пӧртэм секыт ужез быдэсъяз, [[Ува ёрос|Ува ёросысь]] [[Выль Мултан|Выль Мултан]] школаын дышетӥсь луыса но, военнопленнойёслэн лагерязы политинструктор луыса но тыршиз. Отын ик тодматскиз вуоно кузпалэныз Борислава Петровнаен. 1937-тӥ арын пырыса, 1945-тӥ арын гинэ Вильгельм Майерлы МГУ-лэсь дипломзэ басьтыны кылдӥз. Солы ӵектӥзы дышетсконзэ аспирантураын азьланьтыны, но со, номыр шоры учкытэк, берытскиз Удмуртие. 20-тӥ сентябре 1945-тӥ арын В. Е. Майер улыны каръяськиз Удмуртилэн шоркараз - [[Ижкар|Ижкаре]].
 
1955-тӥ арын В. Майер утиз диссертацизэ, медиевистика удысын одӥгез тужгес но кужмоез тодосчи луиз. Вань улонзэ, вань кужымзэ сӥзиз Удмурт кун университетысь историяя факультетысь студентъёсты дышетонлы. Солэ валтӥсь удысэз вал Германилэн шор дауръёсы азинскемез-улэмез. Озьы ке но Вильгельм Евгеньевич историлэн котькуд удысэзъя муресь тодон-валанъёс сётыны быгатӥз.
 
Вильгельм Евгеньевич ӟеч тыршиз публицистика удысын но. 30 ар ӵоже солэн ужъёсыз печатласькизы «Удмуртская правда» газетын. Пусйыны кулэ: Удмурт кун университетысь историяя факультетысь вань сямен ик дышетӥсьёс будэтэмын но визьнодамын Вильгельм Евгеньевич Майерен. 1985-тӥ арын та тодочси улонысь кошкиз. [[Удмурт кун университет|Удмурт кун университетысть]] историяя факультетлэн одӥгез аудиториез В. Е. Майерлэсь нимзэ нуллэ.
 
== Линкъёс ==
* [http://annals.xlegio.ru/sbo/person/mayer.htm Ю. Л. Бессмертный. Памяти В. Е. Майера (1918-1985) // Средние века, вып. 49, 1986, стр. 232-233.]
* [http://lib.udsu.ru/WorkBy/mayer/mayer.pdf Профессор Майер Василий (Вильгельм) Евгеньевич. К 85-летию со дня рождения. Биобиблиографический указатель // Ижевск: НБ УГУ, 2003]
 
[[Категория:Удмуртиысь дано адямиос]]
[[Категория:Наука Удмуртиын]]