Бадретдинов, Ульфат Шайхутдинович:версиослэн висъяськемзы

'''Ульфа́т Шайхутди́нович Бадретди́нов''' — удмурт прозаик, журналист. «Кизили» нимо удмурт нылпи журналлэн валтӥсь редакторез. Вордскемын [[1957]] арын [[21толшор]]е [[Башкирия|Башкириысь]] [[Бураево ёрос]]ысь Алтаево (удмурт сямен — [[Алтау]]) гуртын.

 

 

Тямыс аръем школаез йылпумъяса, 1972 арын [[Можгаысь педучилище]]е пыриз. Дышетскемъяз литературно-художественной кружоке ветлӥз, ӵапак соку соин кивалтӥзы писательёс [[Данилов, Григорий Данилович|Григорий Данилов]] но [[Байтеряков, Николай Семенович|Николай Байтеряков]]. Со вакытэ ик Ульфат Бадретдинов гожтэ аслэсьтыз нырысетӥ веросъёссэ. Соос печатламын вал «[[Советской Удмуртия]]», «[[Дась лу!]]» газетъёсын, «[[Молот]]» журналын. «Дась лу!» газетэн автор нырысьсэ тодматске 1969-ти арын, туж мыло-кыдо ужась юнкор луэ.

Училищеез йылпумъямез бере, ас гуртаз дышетӥсь луыса ужаз. Армиысь бертыса, кык ар Большой Качакысь шор-ёзо школаын тыршиз (Башкирия,[[Калтаси ёрос]]). [[Удмурт кун университет]]лэн филология факультетлэн заочной люкетаз дышетскыны пыриз.

 

 

1982 арын «Советской Удмуртия» газетэ ужаны кариськиз. 1990–1992-ти аръёсы «[[Инвожо]]» журналлэн валтӥсь редакторезлэн воштӥсез вал. 1992 арын сентябрь толэзьысен «Кизили» журналын — валтӥсь редакторлэн кивоштӥсез, 1995 арын июле — валтӥсь редакторез. 2000 арысен Россиысь гожъяськисьёслэн огазеяськоназы (СП РФ) пыриз.

 

 

Егит лыдӟисьлы Бадретдинов ас музъемзэ, дорзэ гажан мылкыд пыӵатэ, тодон-валан люканы дышетэ. Лыдӟисез но азьтэм луыны кулэ овол – мед со тунсыкъяськоз котыр дуннеен, выжыосыныз, инкуазь радъяськемен. Книгаосыз чакламын школае ветлӥсь пичи но шоро-куспо арлыдо пиналъёслы. Прозаик бадӟым саклык висъя нылпиез дышетонлы, морально-этической дунъетъёслы, ас семьядэ, ӵыжы-выжыостэ, бускельёстэ, гуртоостэ, музъемдэ но вордӥськем палъёстэ гажанлы.