Ижкар (промышленность):версиослэн висъяськемзы

[[Ижкар|Ижкар]] - [[Удмурт Республикалэн|Удмурт Республика]]лэн шоркарыз, [[Россиысь|Росси]]ысь городъёс пӧлысь тужгес кужмоез. Татын нуналысь нуналэ ужало промышленностья 50-лэсь ятыр бадӟым предприятиос. Котькудӥз выре ас удысэзъя: машина поттон, пӧртэм тӥрлыкъёс-арбериос дасян, корт ӵыжатон но мукет.

1930-тӥ арын кутскиз токарно-винторезной станокъёсты дасян. [[Быдӟым ож|Быдӟым ож]] кутскытозь, ог 36 пумо станок кылдытэмын вал.

1932-тӥ арын городын бичаны ӧдъязы мотик. АО [[Ижмаш|«Ижмашын»]], ГП [[«Механический заводын»|«Механический заводын»]] лэсьтылӥзы машина, мотоцикл, спортлы но пӧйшуранлы чаклам ыбылӥськон тӥрлык. [[Ижсталь|«Ижсталь»]] заводын дасяллязы 90 сюрслэсь трос пӧртэм корт арбериос.

Бумага поттылӥзы [[«Буммашын»|«Буммаш]]ын». Та заводлэсь оборудованизэ ас ужазы кутӥзы пӧртэм кунъёс: [[Болгария|Болгария]], [[Франция|Франция]], [[Чехия|Чехия]], [[Словакия|Словакия]], [[Польша|Польша]], [[Китай|Китай]] но мукет.

[[«Аксион»|«Аксион»]] огазеяськон нырысь мотик бичалляз, Быдӟым ож вакытэ басьтӥськиз [[«Максим»|«Максим»]] пулемётъёсты дасян борды. 1950-тӥ аръёсы удыссэ нош воштӥз - йӧнатӥськонлы, космослы чаклам аппаратъёс, магнитофонлы кассетаос лэсьтылӥз.

Ижысь [[«Радиозавод»|«Радиозавод»]] но кутскиз ожгар тӥрлык, инэз эскеронъя приборъёс поттыны. 1966-тӥ арын завод огкыл тупатӥз [[Америкаысь|Америка]]ысь «Моторола» огазеяськонэн. Озьы Радиозавод телефонъёс дасян борды кырмиськиз.

1908-тӥ арын усьтӥськем [[«Редуктор»|«Редуктор»]] ужан ӧрзэ герӟаз редукторъёс, мотоблокъёс бичанэн. Мувӧй кысконъя тӥрлыкъёс поттӥз [[«Нефтемаш»|«Нефтемаш»]]. Химияя промышленностез валтӥз [[Пластмасс завод|Пластмасс завод]] завод.

Азинске нюлэс промышленность но капчи промышленность. Кылсярысь, [[«Зангари»|«Зангари»]], [[«Сактон»|«Сактон»]] огазеяськонъёсын кильтро дӥсь вуро. Сиён-юон поттон удысын ӟеч тыршо [[«Ижмолоко»|«Ижмолоко»]], [[«Ново-Ижевский»|«Ново-Ижевский»]], [[«Ошмес»|«Ошмес»]], [[«Тазалык»|«Тазалык»]], [[«Гамбринус»|«Гамбринус»]].