Италмас (ансамбль):версиослэн висъяськемзы

1936-тӥ арын сентябре [[Удмуртия|Удмурти]]ысь Совнарком кутӥз решение: удмурт калыклэсь, Совето Союзлэсь культуразэ вӧлмытон но паськытатон понна кылдытоно эктонъя но хор кырӟанъя ансамбль. Ним но туж чебер бырйизы — [[Италмас|«Италмас»]] (удмуртъёслэн яратоно сяськазы, ӵуж пиштӥсь буёлэныз шулдыртэ [[Кам шур|Кама]], [[Ватка шур|Вятка]], [[Чупчи шур|Чупчи]] шур дуръёсты. Та сяна, яратонлэн но мӧзмонлэн, осконлэн но шумпотонлэн пусэз — символэз — луэ).

Али гинэ кылдэм коллективлы паськыт сюрес усьтӥськиз. Соос возьматыны быгатӥзы пӧртэм калыкъёслэсь сям-йылолъёссэс, тапыртонъёссэс, гуръёссэс. Озьы ик гастрольёсын потаны быгатӥзы СССР-ысь пӧртэм улосъёсы, кунгож сьӧры.

1962-тӥ арысен туннэ нуналозь ансамблен кивалтэ Удмуртиысь но [[Россия|Росси]]ысь калык артист [[Анатолий Мамонтов|Анатолий Мамонтов]]. Та ансамбльын трос тодмо адямиос вал. Кылсярысь, балетмейстер [[Анатолий Бондарев|Анатолий Бондарев]]. Со пуктӥз «Зимонька», «Чипак», «Танец с колокольчиками» эктонъёсты. Пусъёно: та берпуметӥез тапыртон пыртэмын «Италмаслэн» зарни фондаз. Та коллектив пыриськылӥз пӧртэм конкурсъёсы, фестивальёсы: «Московские звезды», «Русская зима», «Белорусская осень», "Киевская весна" но мукет.

— Ансамбль кема аръёс ӵоже ужа ини. Та дыр куспын Россиын но, Удмуртиын но улон вошъяськылӥз. Со шӧдӥськытэк ӧз кыльылы ансамбль вылын. Тани Совето вакытэ калык азе потылӥмы партия сярысь гуръёсын, [[Н. Хрущёв|Н. Хрущёв]] кивалтон вакытэ одно ик дасялляно вал гурт удсылы сӥзем эктонъёсты, кырӟанъёсты.

1992-тӥ арын "Италмас" бордын нырысьсэ республикаямы кылдӥз нылпи эктонъя школа-студия. Соин кивалтэ Росииысь дано артистка, Удмуртиысь калык артистка, балетмейстер [[Леонора Мамонтова|Леонора Мамонтова]].