Кедров, Филипп Григорьевич:версиослэн висъяськемзы

 

Вордӥськиз Филипп Кедров Алнашын. Атайзы улонысь вазь кошкемен, анайзы куинь нылпиоссэ огназ будэтоно луиз. Собере Можга педтехникум вал, школаын но газетъёсын ужан. !931-тӥ арын Горд Армие мыныса, Ф. Кедров одӥг ар ӵоже командиръёсты дасян курсъёсын дышетске. Ӵапаквойна кутскемдэсь азьло, 1939-ӥ арын, Удмурт пединститутэ пыриз. Гожъяськыны ноку но рос-прос дырыз ӧй вал ке но, лыдӟисьёсызлы трос кылбуръёс, пьеса, «Катя» повестьсэ кельтӥз. Нош кӧняез гожтытэк кылиз, дыр. Шонер пусъе удмурт кылбурчи Илсиф Иванов: «Война трос нылпиосты гинэ вордскытэк ӧз кельты, со вордскытэк кельтӥз трос-трос устоесь произведениосты но».<br />

«Бырыны кылдэм ке, эн чигиськелэ, дуноосы мынам. Тодэлэ: йырме понӥ дормы понна. Ути яратано калыкме, тӥледыз, матысьёсы но гажаноосы. Озьы ке но оскисько: вормыса берто. Тӥляд Филиппты». Филипп Кедровлы ож тылӝуысь берытсканы ӧз кылды. Нош кӧня секытэсь фронтовой сюресъёсыз ортчиз со, кадровой офицер, войналэн нырысетӥ нуналъёсаз ик ожтылэ пыриськыса: ньыль пол сӧсырмылӥз, котыртэме шедьылӥз, ӝыны ар ӵоже партизан отрядын ожмаськиз. Быриз 34 арес дыръяз, Белоруссиысь Новинки гурт дорын ротазэ атакае ӝутыкуз.

Али ке но улэп Ф. Кедров: гожъямъёсыз калыклэн сюлмаз. «Катя» повестез 1940-тӥ арын потэ. Со ырысен та повесть туннэ нуналозь лыдӟисьёслэн яратоно произведенизы луэ. 1961 арын Г. Корепанов та книгая «Наталь» нимо нырысетӥ удмурт опера дася.