Кам сьӧр удмуртъёслэн дӥськутсы:версиослэн висъяськемзы
Пушкесэз ӵушемын Пушкесэз ватсамын
ч-пТупатонлэн валэктонэз ӧвӧл |
Тупатонлэн валэктонэз ӧвӧл |
||
1-тӥ чур:
Та портэмлыкен диськутэз нулло вал Пермь улосвылысь Куеда ёросын, Башкортостанын Балтач, Бураево, Татышлы, Калтасы, Кушнаренково но Янаул ёросъёсын улись удмуртъёс.
Кам сьор удмуртъёс (тупалъёс) '''ас диськутазы''' троссэ башкиръёслэсь асэстиллям, соин чош ик асьсэлэсь но вашкала тодметъёссэс утьыны быгатиллям.
Кышномуртъёслэн дисьсы полын валтись инты басьтэ ''дэрем.'' Сое висъяло вал вурем материалэзлэн буёл тусызъя но пужъятэмезъя. кылсярысь, кечато дэралэсь ке вуремын, дэремзэс "шакмако" шуо, дэра бичаса куэмын ке, - "чептарь"* но мукет. Пужыё куэмлэсь вуремзэ сюанлы каро вылэм. Дэремзэс одиг дэра вандэтлэсь вуро, жутэм сюбег сиресэн. Гадь кыретэз пырак. Паськытэз кильымез (диал. созы) 50 см пасьта луэ, со кус улланьти ик тупатиське. Вылиетизгес дуно басмалэсь (яркыт буё кашамирлэсь) эшшо кык кильымъёс пуктисько на.
Гадь вылазы дэрем улэ кышноос лякиётупатэм басма вандэт (''диал''.:мурашет, кыкрак) поно вал, нош вылаз камзол* улэ - чеберъяса лэсьтэм гадькотыртэм (муресазь). Со ньыль сэрего (ули палыз конгыро*), укоен кыскемын. Та гадькотыртэмъёссэ нылмурт бызен азяз дася вал, юрттылизы солы матысь чыжы-выжыосыз. Пирдан сандыказ бызёно ныллэн соос трос гинэ люкасько вылэм, угось сюанысен кузьмаськон арбериос полысь нылкышноос таоосэ тужгес дуноен лыдъяллязы. Воргоронъёслы чемгес тамак пуйы кузьмаллям.
''Азькышет'' (''диал''.: ашет). Юон дыре дисянозэ бичаса куэм кечато дэралэсь вурылизы, со гадё луэ. Урдэсъёссэ но созулзэ сюрсо дэраен бугоръяллязы. Ужан азькышетсэс кечато куэм дэралэсь вурылизы ке, восяськонлы дасямзэ - тодьы дэралэсь. Тазэ азькышетсэс уг кильымало вылэм.
Юмшан диськутсы полын одно ик пильыслэсь вурем нго укоен чебермам ''камзол'' луэ. Со саестэм вуриське, тусызъя тодэ вайытэ бигер но башкир нылкышноослэсь камзолзэс. Тодьы но горд дэралэсь яке басмалэсь кузь яркыт тугъёсын кышет (''диал''.: залык*) вурылизы. Выль кенлэн пирданаз туго бадзым буртчин шалез (диал.: чуко шаль*) но луэ вал. Кузебай Герд нимо музейын тупал удмуртъёслэн одиг чалмазы но овол, сое нуллилям шуыса тодиськом Н. И. Тезяковлэн гожъямъёсысьтыз (Тезяков Н. И. Вотяки Больше-Гондырской волости. Чернигов, 1892). Одигез тодмо: таче чалмаосын ветлизы ке но, XX даурлэн кутсконаз соос улонысь ышизы ини.
Кышетъёс сяеа, нылкышноослэн ''манлай''* йыркерттонзы но вылэм. Со пеймыт буё басмалэсь яке дэралэсь лэсьтэм маке, пумъёсаз калъёс вурземын. Улысь дуртиз кык чур векчи азвесь коньдон бырттылэмын, вылыз ожытак шымыртэмын. манлаез дисяло вал "дьырсикузя" нимаськись йырси чеберъяськонзы вылти, собере кышет (диал.: залык) кертто. Дьырсикузя чеберъян нылкышнолэн тыбыртиз камзол вылтиз ваське. Малпан кылдэ, чапак та манлай йыркерттэтлы ышыны юрттиз шуыса.
'''Чеберъянъёссы''': гурулти лэзиськисез "пелькузя"* шуиське, гадь вылэ тупатиськисьёсыз - "паськыт ошет" нол "зоскыт ошет". Паськыт ошет дэра вылти сюбег уко вандэтъёсые чебермаса лэсьтиське, вылтизы сизьым чур векчи азвесь коньдон бырттылэмын. Сое юон дыръя гинэ дисяло вылэм. Огшоры дыръя нылъёс но кышномуртъёс зоскыт ошет нуллиллям. Таяз ошетэ векчи азвесь коньдонзэ куинь чур гинэ бырттыло вылэм. Куд ёросъёсын та чеберъянэз удмуртъёс "зака"* шуо. Мукетыз чеберъяськон "сырга"* шуиське, со жильы борды азвесь коньдонъёс бырттылыса лэсьтиське. Нулло сыргаез паськыт но зоскыт ошетъёсын. Пельпум вылти тупатиськисьсэ чеберманзэс (''диал''.: сильсюмыс*) вылазы самой берло ошо вылэм.суязы поскес (''диал''.: билязик*) поно, чиньыосазы - векчи коньдоно зундэс (''диал''.: зизыето зундэс).
Пыдазы кут, колоша но башмак нуллиллям. Куд-ог семъяосын али ке но колоша выллем нинлэсь* кутам башмакъёс (диал.: башмак кут) нулло. Гужем пыдазы дисяло вылэм дэралэсь вурем чуглэс (''диал''.: буйчуглэс*), толалтэ - урдэглэсь вурем чуглэс (''диал''.: урдэгчуглэс*) но пыдныр (''диал''.: нырос). Со озьы ик дэралэсь яке урдэглэсь пормытиське. Туала арын воштиськыны одно ик бигер колоша но кунчизэ чильпаса керттэм ыж гон пыдныръёс возё.
| |||