Байтеряков, Николай Семёнович:версиослэн висъяськемзы

'''Николай Семёнович Байтеряков''' — тодмо удмурт поэт. Вордӥськиз 9-тӥ августэ 1923-тӥ арын [[Алнаш ёрос]]ысь [[Варзи-Ятчи|Ӟатча]] черкогуртын. 1938-тӥ арын тодон-валанзэ муромытыны пыриз [[Можгаысь педтехникуме|Можгаысь педтехникум]]е. Но висеменыз сэрен дышетсконзэ йылозяз-пумозяз вуттыны ӧз быгаты. Нырысь ужаз гуртысьтыз колхозын, бӧрысь [[Сарапул]]ысь кирпич поттонъя заводын, [[Ува-Кильмезь]] чугун сюрес лэсьтонын. 1942-тӥ-1944-тӥ аръёсы ожмаськиз Быдӟым войнаын, вал танкист, миномётчик. Данъямын Горд Кизили, II степенё Отечественной война орденъёсын, "За отвагу" медален. Война бере дышетскиз Ярославльысь военно-политехнической училищеын. Та бӧрсьы вамыштӥз Ижысь областной партийной школае, собере - [[СССР-ысь Писательёслэн Союззы]]лэн вылӥ литературая курсъёсазы. 1974-тӥ арысен рос-прос кырмиське литература удыс борды.

 

Автор улэп дыръя лыдӟисьёс кие вуиз солэн 11 кылбур бичетэз. 2003-тӥ арын ӟуч но удмурт кылбуръёсыныз потӥз "Жин азвесь крезьгурен - Серебряная мелодия" книгаез. Николай Семёновичлэсь чуръёссэ ӟуч кылэ берыктылӥзы [[Семакин, Владимир Кузьмич|В. Семакин]], [[Поскрёбышев, Олег Алекссевич|О. Поскрёбышев]], [[Емельянов, Владимир Иванович|В. Емельянов]] но мукетъёсыз. Пусъёно: кылбуръёсыз 25 пӧртэм кунсьӧр кылъёсы берыктэмын! Ужъёсыз печатласькизы литературалы сӥзем журналъёсын - "Нева", "Дружба народов", "Волга", "Урал", "Наш современник", "Полымя". "Эштэрек" поэмазэ лыдӟыны быгатӥзы Венгриын улӥсьёс но.