Гаврилова, Клавдия Кузьминична

Клавдия Кузьминична Гаврилова — удмурт актриса, УАССР-ысь дано кырӟась (1940), УАССР-ысь калык артист (1952) — вордӥськиз 8-тӥ ноябре 1909-тӥ арын Вавож ёросысь Сулвай-Какси гуртын.

Клавдия Кузьминична Гаврилова
Ужан удысэз: актриса, кырӟась
Вордӥськем нуналыз: 8-тӥ шуркынмонэ 1909(1909-11-08)
Вордӥськем интыез: Сулвай-Какси, Малмыж утем, Ватка губерния
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кулон нуналыз: 15-тӥ оштолэзе 1985(1985-04-15) (75 арес)

Сценаез яртон мылкыдыз пуромиз, школаысь драмкружоке ветлыкуз. 1928-тӥ арын семьяеныз улыны выжизы Ижкаре. Татын Клавдия Кузьминична ужаз нылпи утись луыса. Бӧрысь выжиз Машиностроительной заводэ.

Уж висказ пыриськылӥз Удмурт клубе. 1929-тӥ-1930-тӥ аръёсы дышетскыны пыриз Ижысь театр искусствоосъя курсъёсы. Нош 1931-тӥ арын заводысь кошкиз, интыяськиз Удмурт драмтеатре.

Гавриловалэсь туссэ, выросъёссэ эскероно ке, солы туж тупаллязы серемес геройёс. Соослэсь образъёссэс актриса уката но мур возьматыны быгатылӥз. Кылсярысь, со шудӥз Куашкамез («Вало ӧр куашетэ»), Сьӧд Сандӥез («Кезьыт ошмес»), Апьяез («Камит Усманов»), Оринаез («Сюан»), Семипудихаез («Дуно салам»), Попадьяез («Вуж Мултан») но мукет.

Пусъёно: Гаврилова спектакльёсын гинэ ӧз шудылы. Сцена вылын мыло-кыдо быдэсъялляз удмурт кырӟанъёсты. Театр удысын лулысь-сюлмысь ужамез пусъемын «Знак почёта» орденэн (1958).