Кутянова, Людмила Дмитриевна

Людмила Дмитриевна Кутянова (Айтуганова; 19532008) — удмурт кылбурчи, литературовед, Ашальчи Оки нимо премилэн нырысетӥ лауреатэз (1994)[1], Россиысь гожъяськисьёслэн огазеяськонзылэн ёзчиез (1989), Удмурт Элькунысь лулчеберет удысысь дано ужась.

Людмила Дмитриевна Кутянова
Вордӥськыкуз сётэм нымыз: Людмила Дмитриевна Айтуганова
Ужан удысэз: кылбурчи, литературовед
Вордӥськем нуналыз: 16-тӥ шуркынмонэ 1953(1953-11-16)
Вордӥськем интыез: Вамья, Ува ёрос, УАССР, СССР
Кулон нуналыз: 2-тӥ гудырикошконэ 2008(2008-08-02) (54 арес)
Данъянъёсыз:

Ашальчи Оки нимо премия


Улон сюресэз Тупатыны

Людмила Кутянова вордӥськиз 1953 арын Ува ёросысь Вамья гуртын. Нылгаысь школаез йылпумъяса, пыриз Удмурт кун университетэ. Кӧня ке ар ужаз Ува ёросысь Выль Мултан но Петропавлово шор ёзо школаосын. 1979 арысен 1995 арозь Людмила Кутянова ужаз Россиысь наукаосъя академилэн Урал люкетысьтыз историяя, кылъя но литературая Удмурт институтаз. Со вискын ик заочно дышетскиз Москваысь Дунне литературая институтлэн аспирантураяз. 1996 арысен «Кенеш» журналын поэзия но критика ёзэтэныз кивалтӥз.

Наука удыс Тупатыны

Людмила Дмитриевна кык нимын тодмо: Айтуганова луыса со удмурт литература тодосэ пыриз, Кутянова нимын — удмурт кылбуран дуннее.

Людмила Айтуганова научной ужъёсаз кылбурет удысысь ужпумъёсты эскере. Солы сӥзьыса, кызьлэсь трос научной статьяос но кык монография поттӥз: «Удмуртское стихосложение: вопросы формирования и развития» (1992) но «Сюлэмысен кутске кырӟан. Николай Байтеряковлэн кылбуръёсыз» (удмурт кылысь берыктыса — «Песня рождается в сердце. О поэзии Н.Байтерякова», 1998). Со сяна, Николай Байтеряковлэсь пӧртэм аръёсы потэм кылбуръёссэ огазеяса, кык кылын «Жин азвесь крезьгурен = Серебряная мелодия» бичет (2003) поттӥз. Пӧртэм газет-журналъёсын туала удмурт литературалэн инэтэз сярысь гожъялляз.

Кылбурет удыс Тупатыны

Людмила Кутянова гожъяськыны кутскиз университетын дышетскон аръёсаз. Нырысь кылбурез 1973 арын «Молот» журналын потӥз.1980 арын «Чагыресь пилемъёс» (удмурт кылысь берыктыса — «Голубые облака») нимын нырысетӥ бичетэз потӥз. Татын тужгес но быгатыса возьматэмын кышномурт но пиосмурт кусыпъёс[2]. Кылбур бичетын озьы ик нимысьтыз инты басьтэ граждан лирика.

Яратон темаез азьланьтӥз «Ваче син» (удмурт кылысь берыктыса — «С глазу на глаз»; 1986) но «Со аръёс» (удмурт кылысь берыктыса — «Те годы»; 1991) бичетъёсаз. Яратон тема сяна, татын мургес возьматӥсько секыт тылож аръёсы троссэ чидам нылкышно но секытлы, куректонлы сётскисьтэм анай образъёс.

Тросэз кылбуръёсыз кырӟанлы пӧрмемын.

Ӟуч кылэ берыктэм кылбуръёсыз «Поэзия» (1977) но «Истоки» (1977) альманахъёсын печатламын вал. «Горизонт» (Ижкар, 1980) но «Горизонт-82» (Ижкар, 1982), «Между Волгой и Уралом» (Уфа, 1982), «Голубые дали» (Саранск, 1991) огъям бичетъёсын потэмын. Озьы ик венгер кылын «Иду к живому брату» (венг. Megyek elo testveremhez; Будапешт, 1993) но финн кылын «Эхо великих гуслей» (финн Suuren Guslin Kaiku; Хельсинки, 1995) антологиосын.

Людмила Кутянова Ашальчи Окиен мытэм ӧрез азьланьтэ[3]. Поэтика ласянь учкыса, авторлэн кылбуръёсаз бадӟым инты басьтэ чреберлыко деталь, чыры-пыры арбериос пыр лул-сюлэмлэсь курадӟонзэ возьматон (зундэс, укно, погмам кышет, сӧсырмем бубыли но мукет). Ужъёсаз валтӥсь темаос луо: адями кусыпъёс, нылкышнолэн пуш дуннеез но солэн адӟонэз.

Библиография Тупатыны

  • Людмила Кутянова Ваче син* Людмила Кутянова Чагыресь пилемъёс: кылбуръёс. — [вступ. ст. Алексея Ермолаева]. — Ижевск: Удмуртия, 1980. — 45 с.н: кылбуръёс. — [вступ. ст. Алексея Ермолаева]. — Устинов: Удмуртия, 1986. — 55 с.
  • Людмила Кутянова Со аръёс: кылбуръёс но поэма. — [редакторез М. И. Федотов]. — Ижевск: Удмуртия, 1991. — 101 с.
  • Людмила Кутянова Тон-а со?: кылбуръёс. — Ижевск: Удмуртия, 2010. — 174 с.

Валэктонъёс Тупатыны

  1. Ольга Тураева, Любовь Федорова Людмила Кутянова (Айтуганова)(ӟуч) ИУФФУиЖ УдГУЭскеремын 2022-03-12 аре
  2. Кутянова, Людмила Дмитриевна. Чагыресь пилемъёс : кылбуръёс / Людмила Кутянова; [вступ. ст. Алексея Ермолаева. — Ижевск : Удмуртия, 1980. — 45, [1] с. : портр. ; 16 см. — На удмурт. яз. — 2000 экз.]
  3. Ермолаев, Алексей Афанасьевич. Людмила Кутяновалэн «Ӵашъем сяська усьтӥськыку» рукописез сярысь / Алексей Ермолаев // Инвожо. — 2015. — № 1. — С. 50 : фот. — (Критика).

Чӧлсконъёс Тупатыны