Музъемлэн атмосфераез

Музъемлэн атмосфераез — Музъемен секытлык кужымен герӟаськем но солэн уйнунал но ар ӵоже берганаз пыриськись Музъемлэн омыр оболочкаез. Атмосфералэн пушпал вылыз шобыртэ гидросфераез но ӧжытак музъем курез, педпал вылыз Музъемлы матысь космосэ зыл-зыл кошке. Атмосфераен огшоры лыдъяло Музъем котырысь созэ улосэз, кудаз газ среда Музъемен ӵош берга одӥг быдэс маке кадь. Атмосфералэн массаез (5,1—5,3)·10¹⁸ кг.

Атмосфералэн сӥосыз

Составез

Атмосфералэн улӥ сӥосаз омырлэн пуштросэз: 78,1 % — азот, 21 % — кислород, 0,9 % — аргон, кӧня ке углекислой но мукет газъёс, озьы ик ву паръёс, тузон, йӧ кристаллъёс но мукетыз. 10—25 км ӝуждалаын интыяськемын озон сӥ. 100 километрлэсь вылынгес капчи газъёс тросгес луо, эшшо вылынгес валтӥсь луо гелий но водород.

Атмосфералэн сӥосыз

Музъемлэн атмосфераяз висъясько 5 валтӥсь сӥос.

• Тропосфера — атмосфералэн тужгес улысез но напез сӥез. Ӝуждалаез — 8—10 иськем полярной широтаосын но 16—18 иськем тропикъёсын. Тропосфераын туж азинскемын турбулентность но конвекция, кылдыло пилемъёс, азинскыло циклонъёс но антициклонъёс.
• Стратосфера — 11 иськемъем но 50 иськемъем ӝуждалаос куспысь сӥ. Стратосфераын интыяське озон сӥ, кудӥз Музъемез ультрабусӥр тылсиослэсь уте-возьма.
• Мезосфера — атмосфералэн сӥез, кудӥзлэн ӝуждалаез 50-ысен 80—90 иськемозь.
• Термосфера — атмосфералэн сӥез. Вылӥ пумызлэн ӝуждалаез — 800 пала иськем. Термосфераын температура ӝутӥське 1500 градусозь.
• Экзосфера — атмосфералэн педпаласез, тужгес но шеромем сӥез.