Metro AG
Metro AG — компаниослэн группазы, Европаын быдӟалая куинетӥ интыын но дуннеын — ньылетӥ интыын сылӥсь вузкарон сетен кивалтӥсь.
Историез Тупатыны
Кивалтӥсь компания 1996-тӥ арын кылдытэмын вал, Metro Cash & Carry, Kaufhof Holding AG но Asko Deutsche Kaufhaus AG огазеяса.
Metro Cash & Carry кылдытэмын вал Шунды пуксён пал Германиын 1964-тӥ арын профессорен Отто Байсхаймен (Otto Beisheim, 2013-тӥ арын тулыспал толэзе кулэм[1]). 1967-тӥ арын Отто Байсхайм, Шмидт-Рутенбек (Schmidt-Ruthenbeck) семья но Franz Haniel & Cie компания огкадь люкетъёсын эштосэз кылдытӥзы. Сеть кылдытӥсь, Отто Байсхайм, Кыкетӥ дунневыл ож дыръя ожмаськиз СС-лэн элитной люкетаз — 1-тӥ танковой дивизиын «Лейбштандарте СС Адольф Гитлер»[2][3]. Быдэс улэмез ӵоже Байсхайм одӥг но интервью ӧз сёты[3].
1968-тӥ арын «Кэш энд Кэрри» концепция Шунды пуксён пал Германия сьӧры вӧлмытскем. Партнёръёс Makro Zelfbedienigsgroothandel C.V кылдытон сярысь Dutch Steenkolen Hendelsvereniging N.V (SHV) компаниен тупаллям.
Бӧрысь Metro Cash & Carry но Makro сэзь азинскылӥзы герман рынокын гинэ ӧвӧл, Нидерландын но, собере быдэс дуннеын но.
Кивалтӥсьёсыз Тупатыны
Metro Group-лэн валтӥсь кузёосыз — немец ужбергатӥсьёслэн семьяоссы Ханиель (30,01% куара сётӥсь акциос), Шмидт-Рутенбек (15,77% куара сётӥсь акциос) но Байсхайм (9,10 % куара сётӥсь акциос), кылем акциос эркын обращениын луо[4].
Вузкарон сетьёсыз Тупатыны
- Мелкооптовой вузкарон — Metro Cash & Carry
- Гипермаркетъёс — Real (Ӵукпал Европаын Ашан вузкарон сетьлы вузамын)
- Электроника но техника — Media Markt, Saturn
- Универмагъёс — Galeria Kaufhof
Ужез Тупатыны
Metro Group-лэн 2200 вузкарон центрез дуннеысь 31 кунын вань: Австриын, Бельгиын, Болгариын, Вьетнамын, Венгриын, Германиын, Грециын, Даниын, Испаниын, Индиын, Италиын, Казахстанын, Китайын, Молдавиын, Люксембургын, Нидерландын, Пакистанын, Польшаын, Португалиын, Румыниын, Россиын, Сербиын, Словакиын, Турциын, Украинаын, Франциын, Хорватиын, Чехиын, Швейцариын, Швециын, Япониын.
Оглом Metro Group-ын 255 сюрслэсь трос адямиос ужало. Компанилэн табышез 2013/14 арын 63,035 млрд евро вал.
Холдинге пырись Metro Cash & Carry вузкарон сетьын 766 вузкарон центр лыдъяське 28 кунын.
Metro Удмуртиын Тупатыны
2011-тӥ арын компания Удмуртилэн рыноказ пыриз. Со аре Ижкарын Metro Group кык вузъюртэз ӝутӥз. Нырысетӥез, «Real» гипермаркет, усьтӥськиз Ленин урамын 19-тӥ толсуре ини. Союзной урамын кыктэтӥ объектэз усьтон Иж карлэн администрациеныз кӧня ке толэзьёслы ӝегатэмын вал. 21-тӥ оштолэзе 2012-тӥ арын гинэ Ижысь «Metro Cash & Carry» вузкарон центр нырысь басьяськисьёсыз кутыны быгатӥз.
30-тӥ шуркынмонэ 2012-тӥ арын Metro Group официально ивортӥз Шунды ӝужан пал Европаысь вань «Real» гипермаркетъёсыз Франциысь «Auchan» группалы вузан сярысь. Соин ик, 9 толэзь улыса, 2013-тӥ арын куарусён толэзе та сетьлэн Ижысь гипермаркетэз ворсамын вал но, огшап улыса, «Ашан» вузъюртлы пӧрмемын.
Валэктонъёс Тупатыны
- ↑ Основатель сети Metro и один из самых богатых людей Европы скончался в возрасте 89 лет // gazeta.ru. Эскеремын 2013-2-18 аре
- ↑ Коричневый гламур Metro Cash & Carry // pravda.ru. Эскеремын 2011-5-11 аре
- ↑ 3,0 3,1 Тихие миллиардеры из Германии // chaskor.ru. Эскеремын 2011-5-11 аре
- ↑ Shareholder structure (Annual report 2013/14)
Чӧлсконъёс Тупатыны
- Metro Cash & Carry Россия (ӟуч)
- METRO Group холдинглэн сайтэз (нем.)(англи)