Валишин, Роман Галяскарович
Роман Галяскарович Валишин (1937—1979) — тодмо удмурт прозаик.
| Роман Галяскарович Валишин | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Верхний Тыхтем[d], Кельтеевский сельсовет[d], Калтасинский район[d], Башкирская Автономная Советская Социалистическая Республика[d], РСФСР, СССР |
| Кун: | |
| Кулон нуналыз: |
10-тӥ шуркынмонэ 1979 (41 ар) |
| Кулон интыез: |
Иж, Удмурт Автономной Советской Социалистической Республика, РСФСР, СССР |
Р. Валишинлэн вазь кошкемез котьку но шӧдӥськоз. Туннэ но шал-шал буш солэн интыез; улонамы уг тырмо писательлэн чылкытэсь малпанъёсыз, визьмо но зэмлыко кылъёсыз, дуннелэсь яраоссэ тужгес но сак шӧдӥсь сюлмыз.
Роман Валишин вордӥськиз Башкириысь Вылӥ Тыхтем гуртын. Тани кызьы гожтэ со пичи дырыз сярысь аслаз дневникьёсаз:
«Нырысь тямыс аръёс мынам та вакчи улонам ортчизы туж секыт, сютэм война аръёсы. Бен, секыт, туж секыт вал соку улон: ӟег няньлэсь мон шöмзэ но, зынзэ но öй тодылы, нош чабей нянь сярысь вераськонэз но ӧвӧл, йӧл-вӧй озьы ик ӧй вал (скал кулӥз), нош пушнер куаръёсын пӧзьтэм шыд вылын кема-а азьлань мынод?! Милям кӧтсюмаммылы чидатэк бӧрдэммы шоры учкыса, анайлэн но, пушкыз тыремен, кисырскем бам вылаз ошмес ву кадь чылкыт но зарезь ву выллем кузьыт синвуосыз быльыраса потозы вал. Ӧвӧл, со сярысь секыт вераны… Собере мон дышетскыны мынӥ. Сизьыметӥ классэз быдтэм бере, анай кулӥз… Собере нош ик дышетскон…»
Р. Валишин нырысь педучилищеын дышетске, собере Удмурт пединститутэз йылпумъя. Грах ёросысь школаын дышетüсь но директор луыса ужа, ёросысь газетын тырше. Берло Ижкаре лыктэ но «Советской Удмуртиын» но «Молотын» ужа.
Роман Валишин усто тодосчи луысал, дыр: дышетсконзэ йылпумъямез бере солы аспирантурае пырыны дэмлазы вал. Но со чеберлыко произведениос гожтон удысэз бырйиз.
Гожьяськыны кутскиз кылбуръёс бордысен, нош вакчи дыр ортчыса, валаз: кылбур гожъян — солэн ужез ӧвӧл. Со ассэ прозаын шедьтӥз, устоосыз пӧлысь устоез луиз. Кин ке но синмаськымон веросчи луэ, нош бадӟым жанръёсын ассэ уг возьматы. Мукетыз автор верос пыр бадӟым эпической произведение гожтыны дасяське. Р. Валишин огкадь усто ужаз пичи но, бадӟым но жанръёс бордын. Со туж умой шӧдылӥз верос жанрлэсь «сӥльвирзэ». Тросэз соос пӧлысь, чылкыт, чебер, югыт сюлмо адямилэсь мӧзмыса, гожъямын. Потӥзы «Вальс», «Выль лымы», «Родники», «Первая осень» нимо веросъёсын сборникъёсыз.
Р. Валишинлэн сюлмыз 42 аресказ жугиськемысь дугдӥз…
Литература
Тупатыны- Удмурт литература: 7-тӥ класслы учебник-хрестоматия /Дасяз С. Т. Арекеева. — Ижевск: Удмуртия, 2004.
- ↑ Башкирская энциклопедия — Башкирская энциклопедия, 2005. — 4344 с.