Есенин, Сергей Александрович

Сергей Александрович Есенин (21 куарусён (3 коньывуон) 1895, Константиново черкогурт, Рязанской губерния — 28 толсур 1925, Ленинград) — ӟуч кылбурчи.

Сергей Александрович Есенин
Ужан удысэз:	кылбурчи но гожъяськись
Вордӥськем нуналыз:	21-тӥ куарусёнэ (3-тӥ коньывуонэ) 1895[…]
Вордӥськем интыез:	Константиново, Рязанский уезд, Рязанская губерния, Российской империя
Кун:	Российской империя  Российская республика  РСФСР  СССР
Кулон нуналыз:	28-тӥ толсуре 1925({{padleft:1925|4|0}}-{{padleft:12|2|0}}-{{padleft:28|2|0}})[…] (30 ар)
Кулон интыез:	Санкт-Петербург, Советской Социалистической Республикаослэн Союззы
Автографез:
Сайт:	esenin.ru
Сергей Александрович Есенин Викискладын

Улон сюресэз

Сергей Есенин вордскиз Рязанской губерниысь Константиново черкогуртын крестьян семьяын. Атаез — Александр Никитич Есенин (1873—1931), анаез — Татьяна Фёдоровна Титова (1875—1955).

1904 арын Есенин Константиновоысь земской училищее дышетскыны пыре. 1909 арын дышетсконзэ азьланьтэ Спас — Клепикысь церковно-учительской дышетсконниын. Дышетсконниез быдтэм бераз, 1912 арын Есенин кошке дорысьтыз но лыктэ Москвае. Отын нырысь силь вузаса ужа, нош собере — И. Д. Сытинлэн типографияз. 1913 арын, вольнослушатель луыса, пыре А. Л. Шанявский нимо Московской городской народной университетлэн историко-философской отделенияз. Ужаз типографиын, герӟаськылиз Суриковский нимо литературно-музыкальной кружокысь кылбурчиосын.

Профессиональной улонэз

1914 арын нылпи журналын «Мирок» нырысьсэ печатламын вал Есенинлэн кылбуръёсыз.

1915 арын Есенин Москваысь Петроградэ кошке, лыдӟе кылбуръёссэ А. А. Блоклы, С. М. Городецкийлы но мукет кылбурчиослы. 1916 арын, толшоре, Есенинэз оже басьто. Эшъёсызлэн юрттэмезъя, со санитар луон назначение басьтэ Царскосельской военно — санитарной поездэ № 143 Её Императорского Величества Государыни Императрицы Александры Фёдоровны. Со аръёсы со матэ луэ «новокрестьянской кылбурчиослэн» группаенызы но поттэ нырысетӥ бичетсэ (Радуница — 1916). Николай Клюевен ӵош ӵем лыдӟылылизы кылбуръёссэс адямиос азьын, Александра Фёдоровна но солэн нылъёсыз азьын но.

Есенин, 1922

1917 арын, гудырикошконэ, Сергей Есенин поттэ «Октоих» кылбурзэ "«Гласом моим Пожру Тя, Господи. Ц. О.» эпиграфен. Та кылбур туж лек критикаен пумитамын вал.

1915—1917 аръёсы Есенин эшъяськон возиз Леонид Каннегисер кылбурчиен.

1917 арын со тодматске ӟуч актрисаен Зинаида Райхен. 4 пӧсьтолэзе соос венчатся карисько. 1919 арлэн пумаз Есенин кельтэ семьязэ: кӧто Зинаида Райхез но Татьяна нылзэ.

1918—1920 аръёсы Есенин эшъяське Анатолий Мариенгофен. Та аръёсы Сергей Александрович пыриське московской имажинистской группае. Имажинизмен тунсыкъяськыкуз со поттэ кӧня ке бичетъёссэ: «Трерядница» (1921), «Исповедь хулигана» (1921), «Стихи скандалиста» (1923), «Москва кабацкая» (1924), поэма «Пугачёв».

1921 арын кылбурчи Яков Блюмкин эшеныз ветлэ Средней Азие, Уралэ, Оренбуржье.

1921 арын, сӥзьыл, Г. Б. Якуловлэн мастерскояз Есенин тодматске Америкаысь эктӥсен Айседора Дунканэн. Ӝыны ар ортчыса соос кузпалъясько. Сюанзы бӧрсьы егит кузпалъёс кошко Европае (Германия, Франция, Бельгия, Италия) но Америкае. Бертэм беразы, кӧня ке дыр ортчыса, соос люкисько.

1920-ти аръёслэн кутсконаз Есенин книга поттон бордын ужаз, озьы ик книгаос вузаз Бадӟым Никитской ульчаын. Берпуметӥ улон аръёсаз Есенин куинь пол вал Кавказын, трос пол ветлылӥз Ленинградэ, 7 пол вал Константиновоын.

1924—1925 аръёсы Есенин ветлэ Азербайджанэ, поттэ кылбур бичет.

1924 арын Есенин потэ имажинизм группаысь А. Б. Мариенгофен керетэмзы бӧрсьы.

1925 арын шуркынмонлэн пумаз Есенинэз психоневрологической клиникае поно. Та учыр сярысь тодо вал кылбурчилэн матысь эшъёсыз гинэ. 21 толсуре Есенин кошке клиникаысь но мукет нуналаз Ленинградэ мынэ, дугдэ «Англетер» гостиницалэн витетӥ номераз.

Берпуметӥ улон нуналъёсаз Есенин пумиськылэ Н. А. Клюевен, Г. Ф. Устиновен, Иваном Приблудныен, В. И. Эрлихен, И. И. Садофьевен, Н. Н. Никитинэн но мукет литераторъёсын.

Личной улонэз

Сергей Есенин но Айседора Дункан, 1923

1913 арын Сергей Есенин тодматске Изрядная Анна Романовнаен, кудӥз ужа вал корректор луыса «Товарищества И. Д. Сытина» типографиын, татын Есенин кӧня ке дыр ӵоже ужаз. 1914 арын соос огазе улыны кутскизы. 21 толсуре 1914 арын Анна Изряднова пи вордӥз, сое Юрий нимазы.

1917—1921 Сергей Есенин кузпалъяськемын вал Зинаида Николаевнаен Райхен, кудӥз собере Всеволодлэн Мейерхольд кышноез луиз. Аслэсьтыз «мальчишниксэ» Сергей ортчытӥз Вологдаын. Есенинлэн но Райхлэн венчанизы ортчиз 30 пӧсьтолэзе 1917 арэ Кириклэн но Иулитталэн черказы Вологодской уездысь Толстиково гуртын. Сюанзы ортчиз «Пассаж» нимо гостиницаын. Сергейлэн но Зинаидалэн вордскизы Татьяна нылзы (1918—1920), журналистка но писательница, но Константин пизы (1920—1986) — инженер-строитель, футбольной статистик но журналист.

1920 арэ Есенин улэ Галина Бениславская литературной секретарез дорын. Улытозяз со кӧня ке пол соин адӟыськылӥз, куд-ог дыръя улылӥз Бениславскаялэн дораз С. А. Толстаяен кузпалъяськемез дорозь.

1921 арын кылбурчи 13 куартолэзьысен 3 инвожоозь кунояськиз Ташкентысь эшез, кылбурчи Александр Ширяев дорын. 25 куартолэзе 1921 лыдӟиз кылбуръёссэ Туркестанской библиотекаын литературной ӝытын. Есенин Туркестанэ лыктӥз Колобов эшезлэн вагоназ. Со поездын ик со улӥз Ташкентын дырзэ ортчытыкуз. Собере со поездэн ик со ветлӥз Самаркандэ, Бухаруе, Полторацке. 3 инвожое 1921 арэ Сергей Есенин кошке Ташкентысь но 9 инвожое 1921 арэ бертэ Москвае. Со луэмъя Татьяна нылыз ӝынылэсь тросгес улонзэ орчытӥз Ташкентын.

1921 арын сӥзьыл Г. Б. Якуловлэн мастерскояз тодматске Айседора Дункан эктӥсен, кудӥныз со кузпалъяськиз 2 куартолэзе 1922 арэ. Верано луэ, Есенин чик ӧз вераськы англи кылын шуыса, нош Дункан тодэ вал куд-ог ӟуч кылъёсты гинэ. Сюанзы ортчем бере Сергей Есенин Айседораен ветлӥзы пӧртэм европейской кунъёсы но США-е. Соос ог-огенызы кема ӧз улэ, 1923 арэ Есенин бертӥз Москвае.

1923 арын Есенин тодматске Августа Миклашевская актрисаен, кудӥзлы со сӥзиз 7 сюлме пыӵамон кылбуръёс, кудъёсыз пыризы «Любовь хулигана» циклэ. Одӥгаз чурын актрисалэн нимыз ватэмын: «Что ж так имя твоё звенит, Словно августовская прохлада?»

12 куартолэзе 1924 арэ Есенинлэн Александр пиез вордске. Александрлэн анаез — кылбурчи но переводчик Надежда Вольпина.

18 куартолэзе 1925 арэ Есенин куинетӥзэ кузпалъяське Софья Андреевна Толстаяен, Л. Н. Толстойлэн внучкеныз, кудӥз кивалтӥз соку писательёслэн герӟетсылэн библиотекаеныз. Та кузпалъяськон ӧз вайы кылбурчилы шудбур, но герӟетсы куашказ. Кылбурчилэн кулэм бераз Толстая сӥзиз аслэсьтыз улонзэ Есенинлэсь ужъёссэ бичанлы, утёнлы, кылсуреданлы но печате поттонлы.

Кулон

Сергей Есенинлэн шайгуэз, 1983

Берпуметӥ улон аръёсаз Есенинлэн творчествоезлэн сяськаян вакытэз кутске. 1925 арын Есенин — Россиялэн нырысетӥ кылбурчиез. Со дася поттыны сочинениосыныз быдэс собранизэ. «В России почти все поэты умирали, не увидев полного собрания своих сочинений. А я вот — увижу своё собрание» — вера вал кылбурчи. Шуркынмонлэн пумаз сочинениосын собраниез куинь томен наборэ сётэмын вал.

28 толсуре 1925 арэ кулэм Есенинэз шедьтӥзы «Англетер» ленинградской гостиницаысь. Солэн берпуметӥ кылбурез — «До свиданья, друг мой, до свиданья…» — гожтэмын вал вирен.

Адямиос пӧлын тужгес но вӧлмемын версия, Есенин ассэ ачиз быдтӥз шуыса. Есенинлэн кулэм бераз нокыӵе мукет версиос ӧз усьтылӥське. 1970-1980-тӥ аръёсы потэ версия, кылбурчиез виизы шуыса. Та версия бордын ужаз Московской уголовной розыскысь следователь, полковник Эдуард Хлысталов. Та версия озьы ик художественно возьматэмын вал «Есенин» (2005) телесериалын но.

Ленинградын поэтъёслэн герӟетазы гражданской понихида ортчытэм бере Есенинлэсь шӧйзэ Москвае нуо. Татын соин люкиськизы ӵыжы-выжыосыз но эшъёсыз. 31 толсуре 1925 арэ Москваысь Ваганьковской кладбищеын сое ватӥзы.

Изданиосыз

Улон дыръяз поттэм

1917:

• Есенин С. А. Радуница. — Петроград: Издание М. В. Аверьянова, 1915. — 62 с.

1918:

• Есенин С. А. Иисус-младенец. — П.: Сегодня, 1918. — 6 с.
• Есенин С. А. Голубень. — М.: Революционный социализм, 1918.
• Есенин С. А. Радуница. — 2-е изд. — М.: Московская трудовая артель художников слова, 1918.
• Есенин С. А. Сельский часослов. — М.: Московская трудовая артель художников слова, 1918. — 28 с.
• Есенин С. А. Преображение. — М.: Московская трудовая артель художников слова, 1918. — 68 с.

1920:

• Есенин С. А. Голубень. — 2-е изд. — М.: Московская трудовая артель художников слова, 1920.
• Есенин С. А. Ключи Марии. — М.: Московская трудовая артель художников слова, 1920. — 42 с.
• Есенин С. А. Трерядница
• Есенин С. А. Триптих. Поэмы. — Берлин: Скифы, 1920. — 30 с.
• Есенин С. А. Россия и Инония. — Берлин: Скифы, 1920.

1921:

• Есенин С. А. Иисус-младенец. — Чита, 1921
• Есенин С. А. Исповедь хулигана. — М.,1921. — 14 с.
• Есенин С. А. Преображение. — 2-е изд. — М.: Имажинисты, 1921.
• Есенин С. А. Трерядница. — 2-е изд. — М.: Имажинисты, 1921.
• Есенин С. А. Радуница. — 3-е изд. — М.: Имажинисты, 1921.
• Есенин С. А. Пугачев. — М.: Имажинисты. — 54 с.

1922:

• Есенин С. А. Автобиография // Современное обозрение : Журнал нового типа (Литература — искусство — жизнь). — Петроград: Изд-во «Ars». — 1922, ноябрь. — № 2. (Нырысетӥ улон дыръяз поттэм автобиографиез Сергей Есенинлэн Россиын).
• Есенин С. А. Пугачев. — 2-е изд. — Петроград: Эльзевир, 1922. — 64 с.
• Есенин С. А. Пугачев. — 3-е изд. — Берлин: Русское универсальное издательство, 1922.
• Есенин С. А. Избранное. — М.: Госиздат, 1922. — 116 с.
• Есенин С. А. Собрание стихов и поэм. — Т. 1. — Берлин: Изд-во З. И. Гржебина, 1922. — 178 с. (Кыкетӥ томез ӧз пот.)
• Esenin S. Confession d’un voyou. — Paris, 1922.

1923:

• Есенин С. А. Стихи скандалиста. — Берлин: Изд-во И. Т. Благова, 1923. — 232 с.

1924:

• Есенин С. А. Москва кабацкая. — Л., 1924. — 44 с.
• Есенин С. А. Стихи (1920-24). — М.: Круг, 1924. — 86 с.
• Есенин С. А. Русь советская. — Баку: Бакинский рабочий, 1924. — 80 с.

1925:

• Есенин С. А. Страна советская. — Тифлис: Советский Кавказ, 1925. — 62 с.
• Есенин С. А. Песнь о великом походе. — М.: Госиздат, 1925. — 32 с.
• Есенин С. А. О России и революции. — М.: Современная Россия, 1925. — 96 с.
• Есенин С. А. Березовый ситец. — М.: Госиздат, 1925. — 100 с.
• Есенин С. А. Избранные стихи. — М.: Огонек, 1925. — 44 с. (Библиотека «Огонька» № 40)
• Есенин С. А. Персидские мотивы. — М.: Современная Россия, 1925. — 48 с.

Валтӥсьёсыз

• Есенин С. А. Собрание стихотворений в 3-х тт. — М.: Госиздат, 1926.
• Есенин С. А. Стихи и проза / Сост И. В. Евдокимов, 1927.
• Есенин С. А. Стихотворения. — Л.: Сов. писатель, 1953. — 392 с.
• Есенин С. А. Стихотворения и поэмы. — Л.: Сов. писатель, 1956. — 438 с.
• Есенин С. А. Собрание сочинений в 5-ти тт. — М.: ГИХЛ, 1960—1962.
• Есенин С. А. Собрание сочинений в 5-ти тт. — 2-е изд. — М.: ГИХЛ, 1966—1968.
• Есенин С. А. Собрание сочинений в 3-х тт. — М.: Библиотека «Огонёк», 1970.
• Есенин С. А. Собрание сочинений в 6-ти тт. — М.: Худож. лит., 1978.
• Есенин С. А. Стихотворения и поэмы / Сост. и подгот. текста И. С. Эвентова и И. В. Алексахиной, примеч. И. В. Алексахиной. — Л.: Сов. писатель, 1986. — 464 с.
• Есенин С. А. Полное собрание сочинений. В 7-ми томах / Главный редактор Ю. Л. Прокушев. — М.: Наука, Голос, 1995—2000. (Российская академия наук. Институт мировой литературы им. А. М. Горького) (Т. 1.: Стихотворения; Т. 2.: Стихотворения («маленькие поэмы»); Т. 3.: Поэмы; Т. 4.: Стихотворения, не вошедшие в «Собрание стихотворений»; Т. 5.: Проза; Т. 6.: Письма; Т. 7.: Автобиографии, дарственные надписи, фольклорные записи, литературные манифесты и др., хронологическая канва жизни и творчества С. А. Есенина, справочные материалы)

Калыккуспо ужъёсыз

• Есенин С. А. Анна Снегина. Поэма / Издание на 12 языках (рус., англ., болг., венг., итал., нем., рум., сербск., словенск., словацк., хорв., чешск.). — М.: Центр книги ВГБИЛ им. М. И. Рудомино, 2010.

Кылбурчи сярысь

• Белоусов В. Г. Сергей Есенин. Литературная хроника. Часть 1. (1895—1920). — М.: Сов. Россия, 1969. — 303 с.
• Белоусов В. Г. Сергей Есенин. Литературная хроника. Часть 2. (1921—1925). — М.: Сов. Россия, 1970. — 446 с.
• Бухарин Н. Злые заметки. — М., ГИЗ, 1927. — 20 с.
• Виноградская Н. Как жил Есенин. — Л.: Огонек, 1926. — 36 с.
• Епифанов П. Поединок при свете луны. Ещё раз о духовном мире поэзии Сергея Есенина // Крылья голубиные : Альманах. — 2007. — № 1. — С. 50—79.
• Есенин и современность. Сборник. — М.: Современник, 1975. — 406 с.
• Куняев Ст. Ю., Куняев С. C. Сергей Есенин. — М.: Мол. гвардия, 2005. — 593(13) c.: ил. (ЖЗЛ; вып. 922) 5000 экз.
• Лекманов О., Свердлов М. Сергей Есенин: Биография. — М.: Астрель, Corpus, 2011. — 608 с. 5000 экз.
• Мариенгоф А. Роман без вранья (1927)
• Марченко А. М. Есенин: Путь и беспутье. — М.: Астрель, 2012. — 606 с. 5000 экз.
• Сергей Александрович Есенин / Сост. С. С. Куняев. М.: Русскiй Мiръ, Жизнь и мысль, 2013. — 736 с., ил. — (Русскiй Мiръ в лицах). — 5000 экз.
• Юсов Н. Г. Известный и неизвестный Есенин. — М.: Новый индекс, 2012. — 640 с., ил., 3000 экз.