Жилин, Сергей Алексеевич
Сергей Алексеевич Жилин — ӟуч поэт, журналист. Удмурт Республикаысь Писательёслэн огазеяськонзылэн муртэз.
| Сергей Алексеевич Жилин | |
| Ужан удысэз: |
гожъяськись[d], кылбурчи[d], журналист[d], автор-исполнитель[d] но краевед[d] |
|---|---|
| Вордӥськем нуналыз: | |
| Вордӥськем интыез: |
Иж, Удмурт Автономной Советской Социалистической Республика, РСФСР, СССР |
| Кулон нуналыз: |
22-тӥ куарусёнэ 2024 (63 ар) |
Вордскиз 1960-тӥ арын 2-тӥ декабре Ижын. Школаез йылпумъяса, ужаз заводын фрезеровщик луыса. Армие ветлыса, дышетскыны пыриз Удмурт кун университетысь филологияя факультетэ. 1986-тӥ арын ужаны кутскиз Красногорск ёросысь Кулюшевской шор ёзо школаын, бӧрысь ужаны кутскылӥз Удмурт кун университетын. Соку ик кусып возьыны но гожъяськыны ӧдъяз «Комсомолец Удмуртии» газетэ, «Странник» издательстволэн валтӥсь редакторезлэн воштӥсез вал.
1994-тӥ арысен улонзэ герӟаз журналистикаен. Гожъямъёссэ печатлазы «Неделя Удмуртии», «Городской стиль», «Панорама», «Перекресток» газетъёс, «Мой город», «Мастер-дом», «Ижевск» но мукет журналъёс. Автор тросгес гожъя историлы сӥзем очеркъёс но эссеос. Бадӟым саклык висъя Ижлэн но Удмуртилэн историзылы. Ужъёсыз пусъемын пӧртэм премиосын.
Студент вакытаз ик Жилин кылбуръёс гожъяны ӧдъяз. Отысь кылдӥзы кырӟанъёсыз. Автор кырӟанъя фестивальёсын лауреат ним басьяз. Сергей Жилинлэсь кырӟанъёссэ быдэсто мукет кырӟасьёс но.
2001-тӥ арын Сергей Жилин печатлаз нырысетӥ «Перед ледоставом» сборниксэ. 2002-тӥ арын потӥз «Собор на снегу», 2005-тӥ арын — «Прощёное воскресенье». Сергей Жилинлэн кылбуръёсаз ӝутэмын улон но кулон, яратон но люкиськон, город но сюрес темаос. Али ужа литературая «Луч» журналын.