Сьӧлта ёрос


Сьӧлта ёросУдмуртиысь ёрос. Центрез — Сьӧлта.

Сьӧлта ёрос
Coat of Arms of Selty rayon (Udmurtia).png
Герб
Сьӧлта ёрос Удмуртилэн карта вылаз
Центр Сьӧлта
Улӥсьёс
 - ваньмыз 13 732
 - плотность 7,3 адями/км²
Территория
 - ваньмыз 1884 км²

История но статистикаТупатоно

Сьӧлта ёрос интыяськемын Удмурт Республика шундыпуксён палаз. Площадез - 1883,7 сюрс квадрат иськем пала. Ёрос пыр ортче 34 шур но уно ошмесъёс, тужгес но бадӟымез - Калмез шур. Улӥсез 12 сюрс 915 адями (2009-тӥ арлы). Удмурт Республикаысь 25 ёрос пӧлысь Сьӧлта ёрос калыклэн лыдызъя 21-тӥ интыын сылэ.

Сьӧлта ёрос кылдӥз 15-тӥ июле 1929-тӥ арын, отчы пыризы Ижевск уездысь Копки, Сьӧлта но Вуж Ӟатча волостьёсысь 21 сельсовет. 1932-тӥ арын Выль Мултан ёросэз быдтэм бере, 11 сельсовет выжтэмын Сьӧлта ёросэ. Нош 1935-тӥ арын пасьтана луэм ёрос висъямын вал куинь люкетлы: Сьӧлта, Ува, Вуж Ӟатча. 1963-тӥ-1965-тӥ аръёсы ёрослэн радлыкез нош ик воштӥськиз, озьы тӥни Сьӧлта ёрослэн музъемез люкемын вал Ува но Эгра промышленной ёросъёс куспын. 16-тӥ январе 1965-тӥ арын выльысь кылдытэмын Сьӧлта ёрос.

2002-тӥ арын ортчем переписъя Сьӧлта ёросын удмуртъёслэн лыдзы 57,8 процент, ӟучъёслэн - 40,2 процент.

Интыысь аскивалтонТупатоно

Кун власть Сьӧлта ёросын быдэсъяське, районлэн Уставез вылэ пыкъяськыса. Закон кылдытъян бордын тырше Ёрос депутатъёслэн кенешсы, отчы пыре 31 депутат. «Сьӧлта ёрос» муниципал кылдытэтлэн тӧроез - Николай Петрович Останин, ёрос администрацилэн кивалтӥсез - Михаил Васильевич Вязников. Сьӧлта ёросысь гуртъёс берлозэ радъямын 2005-тӥ арын, Административной законъёс, воштонъёс вылэ пыкиськыса. Та нуналлы Сьӧлта ёросын кылдытэмын 9 поселение: Валамаз, Сьӧлта, Кильмезь, Копки, Выль Мӧнья, Колесур, Узи, Сюромошур, Калдӥ.

Культура удысТупатоно

Ёросын ужа 10 школа, 11 нылпи сад, озьы ик профессиослы дышетонъя 49 номеро училище. Пиналъёслэсь быгатонлыксэс волято Искусствоосъя но спортъя школаос. Калыклэсь тазалыксэ утё 2 эмъяськонниос но 17 пала акушер пунктъёс. Сьӧлта ёросын улӥсьёслэсь пуш дуннезэс узырмыто культурая 15 юрт, 13 библиотека но шаертодонъя музей.

Дано адямиосТупатоно

Сьӧлта ёрос туж узыр данэ потэм адямиосын. Кылсярысь, Россиысь Кун Думалэн депутатэз Николай Мусалимов, «Удмурт дунне» газетлэн валтӥсь редакторез Зинаида Вахрушева, филология наукаосъя тодосчи Анна Измайлова-Зуева, Кун премилэн лауреатэз (1967-тӥ арын), дано композитор Герман Корепанов (1924-1985), тодмо прозаикъёс Пётр Блинов (1913-1942), Михаил Иванов (1931) но мукетъёсыз.

ЧӧлсконъёсТупатоно