Сэдык

Сэдык — асьме пала тулысэз ваись тылобурдо. Лыктэ со тюрагайёсын ӵош, куддыръя лымы вылэ ик вуэ. Котьку интыяське вулы матэгес.

Vanellus vanellus

Солэн кузесь но сюбегесь тылыосыз туж чебер такъя кылдыто. Мумы сэдыклэн такъяез вакчигес. Лоба туж сэзь, омырын олокыӵе но «цирковой» номеръёс лэсьтэ. Лобакуз но, ветлыкуз но такъяеныз шудыны быгатэ: я шонерак выллань ӝутэ, я лэзе.

Сэдык — сак тылобурдо. Пуныосты но ӟичыосты адӟонтэм каре, куд-ог дыръя соос вылэ урдскылэ но. Бурдо сьӧсьёсын но ожмаськемзэ адӟыны луэ. Нош кропотлэсь кышка: вуэ зыме. Ӵем дыръя та тылобурдоез чарланэн (чайкаен) сурало. Сэдыкез тодманы луоз такъяезъя. Та тылобурдоез пезык, тэзык, эсэдык но шуо на.